عمی وای دئ؛ زمی وای؟؟
بیرچوخ زماندان بری ایرانین و آذربایجانین و اوزلیکله تبریزین تاریخی وارلیقلاری آرادان آپاریلماقدا یا دگیشیکلر یاپماق حالینده اولندوقلاری هرکسین گؤزاونونده اولاراق آیدین و بللی دیر؛هرکس اوزنیتیلین چالشیر "اودی اوز قاباقینا ائشسین"هرکس اوزچیخارنا گوره بیر آدینان بوایشی گورمک ده دیر.بوآرادا تبریزین ان گورکملی و ان دیرلی و بوشهرین آبیدسی و قوجامان وارلیغی سایلان "ارک قالاسی"هامیدان چوخ دگیشیکلیگه و دیرسیز یاپیلمالارا معروض قالمیش دیرو قالماقدادیر.
هردن بیر "میراث فرهنگی "آدلی سازمان و قورولوش های – کوی سالیر کی "حق بیزیمدیر،بیز قویماریق بوایش قاباغا گئدسین "اما نه یازیق کی تکجه الده اولانان بیر نئچه یئترسیز و آچیقدا قالمیش دوسیا و دادگاهی پرونده ن سووای بیر شئی اولماییب.بوسازمانیدا قیماناق گرکمز چوخ دئمک اولار الیل- ذلیل سازمانلاردان بیری سایلیر کی حتی الیندن گلمیزگؤزگوره – گوره بوشهرین قدیمی میدانلاریندان بالاجا داش پارچالارین قوروسون اوغورلانمالارنین قاباغین آلسین ؛قالا هله بوعظمتده بینانی ساخلایا بیلسین!!!
بوآرادا ان مهیم سؤز"تبریزارک قالاسنین موقوفاتی وخیریه سینه" توخونماقدادیر کی هربیر تبریزلینین و هربیر آذربایجانلینی و هرایرانلنین ماراقنی اویاندیریر؛ اودا بودور کی ؛بوموقوفات کی اوزون بیر دینی و خیریه قورولوش تانیتدیرماقدادیر نجور و هارادان بوقدر بوجه و پول تامین ائلیه بیلیر کی تبریز شهرینده 25ایلین ایچینده "اوچ" دفعه دمیردن و پولاددان بومعظم بیننالاری دوزلتمکده قادیراولور.؟؟!!ان سون تیکیلن بینا 75000مترآلت یاپیسی اولاراق بیلدیرلیر .سیز اللاه بومملکتده کی بوقدر باش مودیرلر و بویوک باشلار یار- یارمچیلیق ایشلرنین قیلپلاری اللرینده قالیب و هامیسین دا دیندیرنده بوجه نین اولماق لیقیندان دم وئریلر ؛نجور بیر خیریه و دینی قورولوش بو عظمت ده بینالاری اونسوز کی بیریئردن کمک آلسین دورمادان تیکمکده اولور؟!!نه یاخشی اولار کی بو قورولوشون باشریلی ایش گورنلرینی بیر نئچه یارمچیلیق و ایللربویی قورتولمازحال تاپان پروژلره مشاور عونوانیندا کمکلیق آلنسین تا اونلارین ایشلرنین سئری یاریمچیلیق ایش گورنلره بیر درس اولموش اولا!!!
بونودا خاطیرلاتماق گرکیر کی یارمچیلیق قالان ایشلرین گوزلیک و بزک – دوزکلرینی بونلارا وئرمین چوخ 25 ایلین ایچینده اوچ مصلانی هئچ بیری نه مدرن دئیلن آرشیتکتیک گوزلیکلری اولوب نده کلاسیک و اسکی معمارلیقینان اوخشاری واردی.
هر حالده باشقا بیر سوال داکی واربودورکی بیرچوخ سورون وموشکل اوجومله دن ؛بئکارچلیق ؛ایش سیزلیق؛گئنجلرین و جوانلارین ائولنملری و" دینلرنین یارسینین قورویوجوسی اولان"ائولنمک ؛بیداد ائیلین حالده مگر ائلمک اولماز بوخیریه موقوفه کی بئله کی بللی دیر پولونون سایسی یوخدور اوچ مصلا یئرینه همان بیر مرتبه مصلانی آبادلادیب ایکی مصلا پولیلن کارخانه لروایش اورتاملاری یارادسین تا 45000کیشی اوردان چوره ک عائله لرینه آپاریب جمعه گونلریده گلیب "دین لرنین یاریسین ساخلاماقا چالیشسینلار".اینانین "آج قارین آللاه تانیماز"اگر بواوچ مصلا یئرینه اوچ یوز مین کیشیه چوره ک و ایش اورتامی یارادسیدنیز بوگون جامعه میزده بوقدرسورون و باش قالدیریشلارو جامعه پوزونتولوقلاری اوز وئرمزدی.
بوسوزلر نه "نشر اکاذیب دیر "نه ده "اوز خیرینه ایش قازانماق "بلکه تکجه بیرپارا سواللاردیر کی سایسیز دردلر و سورونلار ایچریسینده قیورانان مللتین ذهنینده سوال علامتی کیمی یانیب سونمکده دیر.اینانین کی هربیر وطن سئورو هربیرایرانلی "ارکین "قاباقیندان گئچن زمان اورگی قان آغلیرو دئیر کی بیزیم کی شهریمیزین "جامع مسجدی "اولا- اولا ندن بوقدربوجه و پول وزمان حیف – میل اولور!!هانسی یاخشی اولاردی :بیر کارخانه کی هفته نین 6 گونو ایشلمکده اولا ؛یا بیر یئرکی هفته ده تکجه جمعه گونو 2 ساعت آچیق اولا!!
مودیر عامل بنیاد خیریه مصلانین اوزایظهارلارینا گروه بودفعه کی مصلانی تجاری آماجی اصلا یوخدور ؛بوبیرحالدادیر کی قاباقکی بینالارین دور-تا-دوری تجاری مغازالار و دوکانلارلا دولودور.بوسوزون دوغری اولدوقونودا زمان گلجک ده گوسترجک!!
یازان:علی ب. تورک
Email:turkbaris2003@yahoo.com