حاکميت دئديگی قرآن دا

حاکميت سئنماق دا ،اونون قافا سيندان قالخان سئنئق سسی هرگون قولاق لارا اوتورار کن بينوره سی نين بوشالماسين گوستريری.

اوپوزوسيوندا سئنئق دئر ، اونون دا که سه ری نين آغزی کوت دور ،ايران اسلام جمهوريت ينه  اوپوزوسيون آدلانان قوروپ لار اوگوندن کی ميدان دان چئخيب و آوروپا اولکه لرينده اوزونه بوسقو دوتوب ،دئمک اولار اونلارشيرين يوخويا گئديب ، گاهدان يوخودان آيئليرلار،بير سرسره ام ده ييرلر ، ينه ده يوخويا جومورلار .

اوپوزوسيونون صول قانادی دا هله ايدئولوژيک ساحه سينده 20 نجی عصرين بيرينجی يارئسی نين اول لرينده دوردوقدا کهنه ليک لری هوجولويور ،داها ايره لی گلمه ييب ، ينی دونيانی گورمه ييب ، اونا گوره ده ياشايشی نين ايلک ايل لرينده اوزونه ينی ليک صفت ين آلارکن هله او آدين آلتئندا ياشاييری ، بونا گوره ده صولچولارا سياسی ياتقين لار آدی دئمک دن باشقا داها بيرعنوان دئمک اولماز.

صاغ چی لارکلاسيک آلمان فلسفه سينی هرگون ينی بيرعبارت لرله سويله ديکده ده دئيرلر،اونلار شوونيسم دوشونجه سيندن اوچارکن دمکراسی بنا سئنا يئنمه دن ينه ده شونيسم بوداغی نين اوستونه قونورلار،تکجه بيرفرق له آلمان نين کلاسيک شونيسم فلسفه سی نين تئغاسيندان قالخيب ، گويده توولانئب آمريکا نين امپرياليسم حيطه سينده يئره اوتورورلار ، اوزلرينه محيط ين تازالئغی نی ائيله سانيرلاراوزگه يه ده تازالئق دير.

بو سياسی دوشگون لراوزلرينی هله تعريف  له ينمه ييب لر ، و بونلارين دالی قالماسی حاکميتی داها جری لنديريب اوزونه  غره لنديری.

خالق زامانلا ايره لی گئتديکده ، اوز جانی ايله استعمارين نه اولدوغو آنلاييری .

استعمارين الينده جماعت ين قانی نين شوشه يه دوتولماسی داها دانئلماز دئر ، استعمار تام الی آچئخ ليق لا ، گونوزون گوزونده خالقين واريو خونو تالاييری ، وحاکميت بو آرا دا ان بويوک دلال دئر.

حاکميت (دلال لئغی) تماميت له دين دن فايدا لانيب مقدس لشديريرسه ، ايندی اوزوده دين له برابر که سه ردن دوشوب ، دين حاکميت الينده ياشايشی نين بورونجه گی اولموشدور ، او ايسته ديگينی اونون قالئب ئنا توکوب خلقه وئريردی ، انقلاب ين ايلک ايل لرينده سوسياليزم دن ايلهام آلئيب ، ديکتاتورلوق روحی ايله خالقا قارشی بير آدديم لار گوتوروردو ، واينديسه ينی ليبراليسم او لگولرين الده آلدئقدا ينه ده ديکتاتورلوق روحی ايله حياتئنا دوام وئريری .

حاکميت ين سياسی دوشونجه دورومونئدا بو 28 ايل ده ثابت قالان (سيستم ) اونون (ديکتاتور) لوق روحودور.حاکميت ين سياست ساحه سينده دانئشماغا سوزو يوخ . سياست ينی دنيادا ينی اصول لارا ماليک اولدوق دا ، ايلان کيمی قابئخ                  ده ييشيری .ايران اسلام جمهوريتی ينی دونيانی هله درک ائده بيلمه ييب ، اونا گوره ده اوز ايچينده ينی قوه لری دالئيا وئرديکده، کلاسيک جناح لاری قوجاخلاييری .

حاکميت فقه ين اسگی خوليياوی و کهنه ليک اصول لاری اوسته قوردوغو اوتوپيک اسلام دنيا سينی اورنک دوتوب ، خالقين اوزونه جهنم قاپ لارئن آچيری . اقتصاد مقوله لرين دنيانين سايئلماز خئرداجا قازانجی سانديقدا تکجه يالخی اسلاميـت دن سوزآچيری بو آرا يالنيز بو مفهوم آنلاشئلماز قاليری ، اسلاميت اوزو نه دئمک دئرمی ؟ بيردين بشرين دنياسئنا تفاوت سيز باخئرسا اونون آخيرت ين نه ساياق دا قازانا بيلر می ؟

حاکميت اقتصاد قولونو دوتوب نفت ين بوينوندان آسيب ، ايران اسلام جمهوروسونو ديکتاتور لوغونو دين مقدس لشديريرسه ، نفت ده بوشلوق لارين دولدوروری ،هربير بوشقا نفت ساتئلدئقدا بيرتفنگله ،مين فشنگله چئوريلير و خالقين اوره گی نين اوستونده اوتوروری.

مسلمان تئوريسين لرانقلابی سوسياليزم کوچه سيندن اينديسه کاپيتاليزمين نئوليبراليزم ميدانئنا عدالت شعاريله               کوچوروری .اقتدار عدالت دن دانئشدئقدا حراج ميدانئندا يول دان تاپانی يولچويا وئريری . اوکی آرادا يوخدور خالق دئر.

ايران اسلام جمهوريت ينين اقتصاد ساحه سينده دورغونلوغو اونا امکان وئرير ، يئرآلتی و يئراوستو قايناق لاری هله ليک ساتماق لا فقط گونون گئچيرسين .

 حاکميت بيرطرفدن ايچ تضاد لار ايچينده صاغ صول آرا قدم آهسته گئديری اقتصادين سيئنئق لئغی ، سياست ين چاتمازلئغی ، اسلام هالای لارين ايکی قطب ين آراسئندا سرگردان قويور ،اونلارين دورغون ايده لريندن ولی فقيه توره ده رکن اوزلرينه ده بير سئنمازمانع توره نيب . اينديسه يورغون حاکميت قوشونو ولايت فقيه ين دوره سين آلد ئقدا بيرقوروب ، ولايت فقيه ين مشروطيت يوخوسونو يوروری.بير پارالاری جمهوريت ده سکولاريزم له ، اسلاميت ين بارئشماسئنا جان آتئری ، بو تضاد لارين حاکميت پروگرام لارئنا قويدوغو تاثيرلرخالقی سارسئديری . ايچ سياست ده خلقی اينجيدير ، ديش حرکت لرده اوزگه لره دنيا سويه سينده  تروريست ياراديری .

حاکميت بو سياست له بين الملل ساحه لرينده اوزونو ايکی لی سياست له آيدين لاشديرير.

فلسطين ده تروريزمی محکوم سالدئقدا ، لبنان دا اوزو تروريزمين قيداسين قايداليير و ارمنستان دا  تروريزمين اليندن دوتور.

حاکميت بو سياستی له چاتماز لئغا اوغرادئقدا اوزونو ينی بير دويوشه چکيری .

انقلاب ين ايلک چاغ لاريندا حاکميت اوز ياشايشينی عراق دويوشوندن آلئرسا ، اينديسه واريوخونو بو دويوشده اوتوزاجاق ،  بو اوتوزماق فارس شونيزمی نين اوزولمه سی اولورسا خالقلارين حياتی دئر.

حاکميت ايدئولوژی ساحه سينده  قرآنی اوزونه آنا ياساکيمی گوتوردوکده اوزده ده اولورسا اوندان حمايه ائديری ، قران بقره نين 7نجی آيه سينده دئييری (آلاه اونلارين قلب لرينی و قولاق لاری نی موهورله ييب ، اونلارين گوزلرينه ده پرده چکيب و اونلارين بويوک بيرعذاب وار ) و اينديسه حاکميت بو گونه دوشوب.

                        ارسلان  _  ائل داياق