Durna

	خرداد یول دان چاتیر بیرایل محتشم خرداد دیرچه لیشیندن سوغوشدو،بو بیر ایلین ایچینده مین لرجه ایگیدلر حبسه آلیندیلار وآغیر شکنجه لره معروض قالدیلار، نچه لری دنیاسینی ده ییشدی ،. نچه نفرلر خیاوان لاردا گیزلین اولونوب گول لره آتیلدی ،.نچه لر یوخا چیخدی. نچه لری ساغلام لیغین الین ده ن وئردی. چوخ لاری دیده رگین دوشوب ایتگین گئتدی لر. آمما –بو- ایشین باشلانیشی دیر، هله دویوش دوام ائدیری. حاکمیتین بیر الینده سیلاحی بیر الینده چوره یی دوره سینه فیرلانیری. خلقت دن اونا نه گورمه یه گوزوئریلیب ، نه دوشونمه یه بئیین . حاکیمیته چوخ لواویودلر وئریلدی، یول لار گوستریلدی صدافتلی ائل سئوه ر انسان لار اوز سیاسی ٍاقتصادیٍ، تاسار لارین تمناسیز اونون تاسینا سالدیلار، آمما او یئنه ده اوزونو گورمه مزلیه ووردی یئنه ده کهنه قاپی نی کهنه دابان اوسته فیرلاندیردی. حاکمیت خالقین زلال اینانجیندان گوبودجاسینا یارارلانیب ، ملتی پارچالاییب،بیربیرینین قارشی سینا قویماغیلان فرح له نیب. اوزونون ترور چولوق أینینه (مسلمان خالق)گئییمی گئیدیریب. خرداد گون لرینده او بیر پارانی سپاه دان و بیر عده نی بسیج دن توپلاییب الینه قمه وئریب مچید لرده گیزله دیب ،آذربایجان حقچی لری اوسته بوراخماقلا،کوتله نی ترورچی ،اوزونو حاقچی گوسترمک قصدیله ملت ین قانا به له شمه سین اسلامین فتحی گستریب. ایندیسه حاکمیت لومپن لشدیکده دورو مسلمان خالقیمیزدان لومپن انسان لار یارادیر. بو گون ایران اسلام حاکمیتینده انسان و اونون حاق لاری آرتیخ بیرناغیل کیمی دیر.یالنیز انسان لار حاکمیتین اختیاریندا اولدوقدا ده یه رلی دیر،یوخسا بیر سوزده انسان حاق لارینا استناد ائدیرسه ،حاکمیت اونو جاسوس گوزیله گوره جک،و یا هر بیر کیمسه دولت ین گوتورگه سینه اعتراض ائدیرسه ، وایران اسلام جمهوریت ینین تدبیرلرینه راغما اولکه نین تالانماسینا، یئر آلتی ، یئر اوستو ،ملی خزینه لرین سوغرولماسینا دقت چاتدیریب،دیل له نیرسه ،هله محکمه یه چکیلمه میش حوکم لر صادر اولوب دفعه لرله جاسوس لوغا محکوم اولاجاق. ایران اسلام حاکمیت ینده جاسوس لوق اتهامی هربیر حق سئور انسانا محکمه سیز ثابت اولونموش بیر سوج دور.هر بیر کیمسه تک لیکده ویا جمعیتده حتی خالق بیرلیک ده حاق یندان دانیشیرسا،حکمو بللی دیر. بیر عبارتله اعتراض لار هر نه قیمیخ دان اولورسا حاکمیت اونو ایسته دیگی کیمی جاسوس لوغا محکوم ائده جک دیر . حاکمیت ین بو سیاق دا گوتورگه سی (هله لیک )ده دئییل، حاکمیت ایش اوسته گلندن ایشی بو دور. آذربایجان ملی حرکت ینین خرداد آی نین ایلک هفته سینده دولت ین قارا مامورلاری آذربایجان اوغول لارین قارانلیق دار اوتاق لاردا هه ده لییه ر کن اونلاردان ایستردی تلوزیا صفحه سینه چیخیب،اوزلرینین یالان جاسوس لوق لارینا دوغرو اعتراف ائتسینلر. بوردادی کی رژیم ین ایدوئولوژی سو نون کوچمه سی اوزونو ایدین لادیر. حاکمیت (اسلام)دان دانیشیرسا اونو ابزار کیمی الینده دوتوب ، یالنیز خالقین ایچینده اوزونون گوبود داورانماسینا اورتوک کیمی ایشله دیری، او اسلامیتی بیر دین کیمی اولدوقدا معنادان سالیب حتی ایندی لیکده حاکمیت قورولوشو فارس ملت چیلییین اوزونه یاردیم گوتوروب (تک روحانیت)ه ساری گئدیری. 1383نجی ایله دک روحانیت قاباقدا گئدیکده سیلاح لی قوه لری آردینجا چکیردی،اوندان بو یانا سیلاحلی قوه لرین ایچیندن سپاه لا بسیج حاکمیتی قابساماغا چالیشیب ایندیسه سپاه رهبریت له بیرلیکده حاکمیتی نظامی لاشدیررلار ،و نظامی – دینی حاکمیت بیچیمین توکورلر. سیلاح لی قوه لرین بوروکرات کیشی لری برزخ ده دوردق لارینا گوره ایره لی لنمه لری امکان سیز دیر، بیر طرف دن ده حکومت ین آشماسیندان قورخورلار ،.آددیم آتمادان چکیندیکده دایاندیقدا ییپرانیرلار،. سپاه اوزیله برابر بسیجی سیاست صحنه لرینده خالقین اوزونه چکیری،و خالق لا قارشی قارشیا قویوری. ایندی چوماق لا منطق حاکمیت ین اوز ایچینده بیرلشدیکده دیره شیرلر، سپاه رهبریته یاناشیب باشقا روحانی لاری قیراغا ورور، جمهور باشقانین بیر اویونچاق کیمی اوینادیر، سپاه هله لیک ده قدرتی الده ائتدیکده (نه ائتمه لی )دیر؟ بیلمیری . اعتراض سسلرین یاتئدماغا قایدا قرارسیز سیلاحا آرخالا نیر، بو سیاست ین یالنیز عمومی بیر اتهامی جاسوس لوق دان باشقا هئش نه اولاسی دئییل. جاسوس لوق جرمی جزا حقوق یندا آز دئییلن درس عنوان لاریندان دیر. بو ونچه جرم عنوان لاری قانون توپلوم لاریندا گلیرسه لرده توتالیتار مملکت لرده بوتون سیاسی خاصه لری وار.بو جرم ین اثباتی دولته عاید اولدوقدا یالنیز ایکی اوزه ل یولو وار ، 1-جاسوس اولان کیمسه نی قراری نین اوستونده یاخالاماق، 2-جاسوس اولان بنده نی جاسوس لوق ابزاری له حلقه لمک . جاسوس لوق جرمونون ثبوتوندا اقرار شاه دلیل دئییل،وحقوق ساحه سینده ایشگنجه ایله آلینان اعتراف یندا باییغی یوخدور،بو آرا هر کیمسه اوزوندن سوروشا بیلر...ایران اسلام تلوزیالاریندا اولونان اعتراف لارین دالیندا هانسی اعتبار دایانیری؟ ویا خود بو هانسی ایگید اولابیلرمی ؟خیانت علیهینه قالخدیغیندا اوزو خاین اولسون؟ ویا بیرجوان ملی حاقق ین ایسته مکده سپاه ین گوله سی نین قارشی سیندا دالی اوتورماسین،جان دان شیرین ایکی گوزونو ملت ینین اوغروندا قوربانلیق وئرسین ،بیر طرف دن ده اونون ملت ینین ایگید بالالاری اونونلا برابر دویوش میدانیندا حاضیر اولسون امما ساتقین اولسون؟. ایران اسلام جمهوریتی ایندیه دک هله سیاسی اخلاق ساحه سینده (شهید) لیک له (ساتقین)لیین فرقینی آییرانماییب.سایی سیز اوغول ،قیز لاری عراق دویوشونده اوزونون توکنمز غرورونا قوربان ویریب،مین لرجه عایله نین گوزونو آغلار قویوب،امما اونون کهنه ایدولوژی سینین تعصبی اجازه وئرمه ییب(ساغین)لا(ساغیم)ین نه اولدوغونو باشا دوشسون. خرداد آی یندا آذربایجان کیم لیینی هارای لییب،حاکمیت له برابر سکولار قروپ لار ایستر دینچی لری ایسترسه آته یست لری گوروش لرین آندیریب لار ،دولت ما للا لاریله ائل ماللاری اوزلری نین نه اولدوق لارین گوستریب لر. شاه چیلار خالقیمیزی خاین ساندیقدا هله شونیستی ایستک لرینه دوام وئریرلر،ملی مذهبی لرین بیر پاراسی سوسوب بیر پاراسی بیزیم جاسوس لوغوموزون ثبوتونا چالیشیر،85ینجی ایلین آبان آِین دا ایرانین ایچ اوپوزوسیونونون باش اونده رلری نین بیریسی مهندیس سحابی آدیندا تبریزه گلیب حاکمیت دن علاوه آذربایجان ملی هویت چی لرینین جاسوس اولماسیندا جان ایله چالیشیردی، نهضت آزادی توپلومونون تبریز قاناتی اوزونو گروه لارین اونجولو بیلدیکده بیزیم آزادلیقیمیزی اوز آزادلغین دا اختاریری، سول پارتیالار(توده سی فدایی لاری)وایچه ریده کی آزاد مارکسیست لرآذربایجان حق چی لیک حرکت ینین سس ینی دویوب ،حاکمیت تک غفلت باتلاغینا جوموب لار،آیدین دلیل لرله ،گورونن عمل لرله حاکمیت له اوپوزوسیونون دوشونجه سی اذربایجان حاققیندا عینی دیر. هر ایکیسی نین ده ایستگی بیزی مستملکه ده ساخلاماق دیر. بو آرا لیبرال اوپوزوسیونون بیر بولومو(اراده آزادلیغینا) استناد ائدیب اذربایجان اوغروندا گئده ن ملی استقلال حرکت ین یاردیمچی سی اولوب. حاکمیت خلق آرا( شهید ؟ ) عایله لرین ساخلادیغی دین کیمی خالقین اوزونه چکیری (شهید ؟ )باکری نی ستارخان لا برابر قویور. اوزونه (دینی-نظامی) کولتور یارادیر. بو گون شهید عایله لری اوزلرینین مرزلرین حاکمیت له آییرمیرسالار حکومت ین دیکتاتور لوغوندا تمامیت له سهیم دیرلر.اونلار حاکمیت ین دوره سین قوروماقلا خالقی چورودوب دینی أپری دیرلر. آذربایجان ملی حرکت ینین دویوشجول لرین اطلاعات ین قاپالی اوتاق لاریندا شهید لرین آدیله چارمیخا چکیردیلر ،اونلاری خیانت اتهامی له ائتمه دیگی ایش لره گوناه لاندیریب ایستیردیلر تلوزیادا اعترافا چکسینلر. حاکمیت ین عراق دویوشونده1361نجی ایلین خردادین 5 یندن سونرا اولن لری یالنیز نظام باشچی لاریندا نچه اولیقاریشی حوزه لرین (جیلخی قدرت) قوربانلیق لاری دیرلار. او قوربان لارین قان لاری نین اثرینده بو دیکتاترلوق داها کوک له نیب،تیتره ک حاکمیت برکییب، قدرت یانقی لارین ایش اوسته ساخلاییب. ایندیسه هانسی معادله ده آزادلیق لا دیکتاتور لوق برابر گلیر ستارخان لا استبداد قوربان لاری دا برابر گلسین. بو دی خرداد بابک ین قیزقین سلام ایله یولدان چاتیر ائل لره آزادلیق ، خاقیمیزا ا ستقلال ،اورتا دوغویا یئنی بولگو گتیریر. ارسلان ائل دایاق