ایصفهان خاطیره لری

    1-ایکی ایل اؤنجه ایصفهان بیلیم یوردونون آذربایجانلی اؤیره نجی لرینین چاغیریشی ایله 9 نفرلیک بیر قروپ ایله موسیقی کونسئرت اوچون بو بؤلگه یه چاتدیق.

اؤیرنجی لر چوخلو امک قویوب موجویز آلدیقدا بیر بؤیوک ورزیش سالونون کیرایه  ائده رک صندل ایله دولدوروب، ائله جه ده سس سیستمین  قوشدورموش و هر بیر شرایطی کونسئرت اوچون دوزنله میشدیلر.

کونسئرتین باشلانیشینا اوچ ساعات قالمیش خبر گلدیکی، موجویز باطیل و کونسئرت لغو اولوبدور. سایین سولئیمازلده و یواداشلاری چوخلو چالیشدیقدان سونرا، کونسئرتین باش توتا بیلمه یه جه یین بیلدیردیکده، بئله بیر حورمت سیزلیگه  لعنت دیه رک تبریزه دؤنمه گه  قرار وئردیک.

    2- بیر آی اونجه بیر داها ایصفهاندان کونسئرت اوچون چاغریش آلدیم.

بو دونه آذربایجان مدنی یه تینه اوره ک یاندیران سایین مجید ماکوئی (ائلیار) بو آغیر قایغی کئشیکلیگی اؤز اوزه رینه گؤتورموش ایدی.

پروقرام بیر نئچه اوستان آراسیندا فولکلور تانیش لیقلاری ایدی.

سحر ائرته ایصفهانا چاتیقدا، ائلیار بیزی قرشیلادی. ایصفهان بیلیم یوردوندا یئر به یئر اولوب سرگی ائوینه (نمایشگاه) گئدیب اؤلکمیزین بیر نئچه غئیرتلی جاوانین الیله قوراشدیریلمیش طنطنه لی و آذربایجانین 4 اوستانین تمثیل ائدن گؤزل بیر غورفه ایله اوز به اوز اولدوق و بو گؤزه للیک موسیقی قوروپون جوشدورارقیاریم ساعاتلیق چیخیش ائدیب سرگی سالونونا یئنی بیر روح باغیشلادی.

بئش گونلوک سرگینین سونا چاتما (اختتامیه) پروقرامیندا بیر نئچه اوستانین موسیقی قوروپو اورتاق لیق ائمیشدی و بو چیخیشلارین سون بولومو بیزیم قوروپا دوشموش ایدی.

قوروپلار بیر – بیرینین آردیجا چیخیشلارین  ائتدیلر، بیزیم چیخیش ائده جه ییمیزه 40 دقیقه لیک وقت قرار وئریلمیشدی، چیخیش اورتاسیندا یعنی 20 دقیقه سونرا تاماشاچیلارین مدنی، عین حالدا شورلو آلقیشلارین گورن مسئوللار قیجیقلاناراق چالقییا سون قویماغی ایسته دیلر. چوخ دئییب ائشیددیکدن سونرا آذربایجان مارشینین اوخون ماسینا 4 دقیقه لیک ایزین آلدیق، مارشین اورتاسیندا سس سیستیمین سؤندوروب سئنین پرده سین چکه ره ک، اوخویان سئن اوسته قالدی بیز ایسه پرده نین آرخاسیندا، مارش یاریمچیلیق قالماسین دییه پرده نی دارتیب اؤزوموزو اوخویانا چاتدیریب مارشی و چیخیشی سونا چاتدیردیق.

بئله لیکله ایکینجی دونه اولاراق مین کیلومتر یول گلیب ایصفهان مسئوللارینین بیر داها بیزه قارشی حورمت سیزلیگینین شاهیدی اولدوق.

موسیقی میزه عشق اولسون

ایصفهان 2/8/85  دمیرچی