|
|
|
|
آدام اوتانیر ائشیکدهدیر سید حیدر بیات پیغمبر زامانی بیلمیرهم غزوهلرین هانسیسیندا (تبوک یوخسا موته غزوهسینده) یولون اوزاقلیغی و هاوانین ایستیلیيی اوزره، ساواشا قاتیلما بیر سیرا موسلمانلارا داها چتین گلیردی اونا گؤرهده اونلارین اوچ نفری ساواشا گئتمهدهن قاچدیلار. هر حالدا او ساواش چتین اولسادا موسلمانلار او ساواشی پیروزلوقلا سونا چاتدیریب قاییتدیلار. آمما ائشیدین او اوچ یازیقدان کی ساواشدان قاچمیشدیلار، عربستانین او گئنیش اؤلکهسی بونلارا دارالدی، ائوده قالدیلار آرواد اوشاق قینادی، ائشیگه چیخدیلار اوتاندیلار چیخا بیلمهدیلر و نهایت مچیدده اؤزلرین دیرهیه باغلاییب، تانری بیزی باغیشلاماسا بوردان ترپنمهیهجهییک..... بو ناغیلی من اوشاقلیقدا اوخوموشدوم. آمما دوغروسو بئله بیر اوتانماغی تجروبه ائدیب و گئرچکجهسینه دویماق هئچ زامان عاقلیما سیغمازدی. 15-20 گون بوندان اؤنجه تئهراندا انقلاب خیاوانیندا بیر نئچه یولداشلا بیرلیکده مهندس راشدی ایله گؤروشدوک و من اوردا چوخلو یولداشلاریمیزین حبس اولونماسین خاطیرلایاراق بیردهن اؤز ائشیکده اولماغیمیدان اوتانیب دئدیم: «آدام اوتانیر ائشیکدهدیر». بو سؤزو دئدیکده ائله بیل هامی منیم کیمی اوتاندی، اؤزلجه ائلشن اوریادلی بو دویغونو برک آلقیشلاییب دئدی: «بو قونودا بیر زاد یاز.» ایندی بئله سانیرام او جمعیده اوتانانلارین بیریسی آزالدی. مهندیس راشدی بوگونلر باشقا موباریزلریمیز کیمی «آزادلیقین یولو قارا قازاماتلاردان کئچیر» سؤزونو دیلده یوخ عملده تجربه ائدیر. راشدی او گونلر آردیجیل اولاراق اطلاعات ادارهسینین طرفیندهن ایستهنیلیردی، سانکی اونون بیبیسی رادیوسونون فارسی بؤلومو ایله موصاحیبهسی اونلارا آغیر باشا گلمیشدی.
|
||
|
|
|
Materiallardan istifadə zamanı qaynağa istinad
vacibdir |