سونرا کی قان

 سید حیدر بیات

خورداد اولایلار آیی دیر. صبح ساعات دؤرد یاریم یوخودان اویانیرام، ایکی ساعاتا کیمی هئچ بو گونون نه اولدوغو خاطیریمدا دئییل. صرافی به یین تبریز قییامینا باغلی یازدیغی مقاله نین ایکینجی بؤلومونو اوخویورام.(بیز باشاردیق،2 ع.صرافی)[1] و یئنه ده بو گونون نه اولدوغو یادیما گلمه ییر. جیب تئلیمین sms  لرینه باخارام. گئجه گلن sms لرین بیرینده بئله یازیب: "هر ائل وارلیغینی شهیدلرینه بورجلودور، صاباح شهیدلریمیزی اونوتمایاق. سسلرینه سس وئرک (یایین لوطفن)"

و تزه خوردادین باشلاندیغینی دوشونورم. سیماور یانیندا چای تؤکه تؤکه قانلارا فیکیرلشیرم و بیردن بو دهشت فیکیر توکلریمی بیزبیز ائدیر: «بیز بیر کره آنا یاسانین یازیلماسینا قان وئردیک بیر کره ایسه اونون اجراء اولماغینا قان وئره جه ییک؟!»  و اؤز اؤزومه فیکرلشیرم بئله لیکده آذربایجان آنا یاسایا راضی اولارمی؟

بونون جاوابینی من یوخ، دؤولت ده یوخ بلکه ده جمهوری اسلامی نین بؤیوک باشلاری وئرمه لی دیرلر، گئجیکسه لرسه میللت و تاریخ. ائل ایچینده بیر مثل وار: موسلمانین یا تورکون سونرا کی عقلی، بونلار تورکون سونرا کی عقلی و سونرا کی قانی ایله قارشی قارشی یا دوروبدورلار.

------

www.hbayat.com