|
|
|
|
بيرليک ٫ نه-يين بيرليگي ؟
ينيدن باشيميز قاريشيب بوش ايشلره ! دوغرو اوخودوز ٫ بوش ايشلره
هر کس بيرليکدن دانيشير و هر گون يني ميللي جبهه و شورا يارانير٫ توپلوملار يارانما امکاني تاپير و يا يارانما سوزي آلير! بو يولدا گئدمک نه سونوج وره بيلير؟ اؤز دوشونجه مي آشاغيدا بو باره ده يازاجاقام.
ايلک اؤنجه٫ بيرليک کليمه سينين آنلامينا باخاق:
۱- بير آماج اؤچون ٫(پيس يا ياخجي) ايکي و يا چوخ ٫ بير بيريندن سورونسوزون توپلانديقي
۲- اينانجلي و دويارليلارين بير آماجا وارماق اؤچون ايش بيرليگي
۳- بيردن چوخون ٫ بير سئناق و يا ياد (دشمن) قارشيسندا بير آماج ايله ساواشماق
بونلار ساده اولاراق بيرليک کليمه سينين آنلامي اولا بيليرلر. اگر بو آنلاملارا باخارساق٫ قولايجا گؤره بيليريک کي بيرليکده ايلک و اؤنملي اساس ٫ آماج دير. بونو داها آچيق دانيشماق بونو افاده ائدير کي بير آماجا وارماق اؤچون توپلانيب ٫ ايش بيرليگي و يا ساواش آپارانلار آراسيندا اولان مقاوله ٫ بيرليک آدلانير.
آذربايجان و اونون آدينا چاليشيب/آد چيخاردانلار آراسيندا آماج بيرليگي وار مي دير؟ آماجلاري بللي مي دير؟
بوگونه قدر آيدين اولوبدور کي آذربايجان آدينا چاليشانلارين سون آماجي بللي ده يير. هر کس/توپلومون نئچه ياخئن آماجي وار. يعني توپلوم/شخص اولاراق نئچه يول/ايشه اينانيرلار. مثلا بيري اؤزونه ايستيقلالچي دئيير و باشقاسي اؤزون فدرالچي بير پارتيا تانيتير. بو داورانيشلارا ياخئن آماج سويلنير. ياخئن آماج بودور کي بير يولو تانيمادان اونا اينانيب و يورو مه يه باشلاياسن. بو جور آماجلارا اولاشماق بيله يارارسيزدير ٫ ندن کي آماجين اوز اوزونده سورونو وار و دوغرو بير آماج اولاراق تانينا بيلمز. سياسي دوشونجه يه صاحيب اولماق بو آنلاما گلمير کي ايلک اوخودوقون مقاله/اساسنامه دن سورا آماجوون نه اولدوغونو آنلاييب و اونا باخاراق يول چيزه سن. سياسي دوشونجه بودور کي ايلک اولاراق اؤز اؤزووي تانييب و کيم اولوب نه ايسته ديقووي تارتاسان.
ايستيقلال ندير تانيماييب/تانيتمايان بير شخص هيچ بير زمان آماجينا وارا بيلميه جک. بو ايش فدرالچيلارا دا عينيدير. اگر اؤزاق آماج بللي اولمازسا ٫ چاليشمالار بوشونا اولوب و ايسته نن سونوج اله چاتماياجاق. اگر ياخئن آماجي تانيمايانلار ! اؤزاق آماج باره سينده دانيشيب و بيرليک !! ياراتسالار !! دئمکدير کي باشيميز بويوک بلايا گيريب.
گون.آذ.تي.وي بوگونوموزده بويوک ايش آپارير و گؤننجل سوروملاردا ده ير صاحيبيدير. بو ده ير دن دئمک ايسته ديگيم بودور کي اگر گون.آذ.تي.وي اولاراق ٫ گونجل اولايلاري رئال اولاراق ده يرلنديرسه لر ٫ بيزيم آماجيميزين نه اولدوغي داها تئز بللي اولا بيلير. گون.آذ.تي.وي اولماق قولاي ايش ده يير و داها اؤنمليسي ٫ آذربايجانين گون.آذ.تي.وي سي اولماق هيچ قولاي ده يير. دانيشيقلار و گوروشلرين نه اولوب اولماديقي ٫ ديرک آذربايجانين گله جگي ايله باغليدير. بو گون باشقا تي.وي اولماديقي اؤچون ٫ گون.آذ.تي.وي نين ايشي داها چتين ٫ داها حساس و داها اؤنمليدير.
نئچه واقتدير کي بيرليک باره سينده گون.آذ.تي.وي ده دانيشيلير و گوروشلر آلينير. بو باره ده من اؤزوم نئچه دفعه تلفن وسيله سي ايله باغلانيب و گوروشلريمي بيلديرميشم. آنجاق تلفن وسيله سي ايله آنلاتماق/آنلاماق زور اولور ٫ بو اؤزدن بو مقاله ني يازيرام.
من ايکي سورو ايله بو بيرليکه توخونورام.
بيراينجي بودور: کي بو بيرليگين اؤزاق آماجي نه دير؟
ايکينجي سوروم ايسه: بيرليگي ياراتانلار کيملرديلر؟
سوولارا جواب يوخدور ٫ چونکو بونلاري بيلن يوخدور. بو سورونلار چؤزولمه ديگي سوره جه ٫ بيرليک يارانا بيلميز و اگر يارانيرسادا ٫ اؤزون سورمه ييب و يارارلي اولماياجاق. حتي دئيه بوله رم کي ضررلي اولاجاق. ندنلري آيدين دير ٫ بيز بيرليگين آنلاميني بيلمه دن ٫ نه بيرليگي قوماق ايسته ييريک؟ بلکي نئچه کؤر دوشونجه لي٫ بو يازيني و يا تنقيدي آنلاماييب و بيرليگه داش آتماق ايله مني سوچلاسين ٫ آنجاق سوزلر سويلنمه ليديلر و سورونلار تارتيشماليديلار. اگر بو گون سوسوب و ميداني کوردوشونجه ليلره بوراخساق ٫ ساباح بيزيم کي بيزه اولاجاق.
اؤزاق آماج نه اولماليدير؟
آذربايجان بو گون بير اؤلکه ده يير ٫ دولتي يوخدور و سياسي اولاراق وجودي بيله يوخدور. بو يوخ اؤلکه يه٫ بيرليک نئجه يارانا بيلير؟ مثل داها قولاي آنلاتير: اوشاق اولمادان لاي لاي نئجه اوخونا بيلير. هر کس دانيشير و گوروشلريني بيلديرير. بونلارين آراسيندا نرمال آذربايجان ميللتيندن وار تا اوخوموش و گوروش صاحيبي اولان تانينميش آذربايجان فعاللاري !! واي بيزيم حاليميزه کي بيزيم اوخوموش فعاللاريميز دوغولماميش اوشاقا لاي لاي اوخورلار.
ميللت اولاراق ٫ آذربايجاندا دوروم قولاي آنلاشيلاماز و بو اوزدن آنلاتماسي داها دا چتين اولور. ميللت اولاراق بيرليک يوخوموزدور. سن و من دااواسي هله شهر شهر گزير. من تورکم يا من آذريم مسئله سي هله دوشونجه لرده بللي اولماييب. من کيمم و منيم حاقلاريم ندير هله گنيش اولاراق تانينماييب. دوست کيم دوشمن کيمدير بللي اولماييب. بو بيزيم توپلومسال (اجتماعي) دوروموموزدور.
اوخوموش فعال اولاراق ٫ چوخونلوقو اروپا و يا آمريکادا ياشاييرلار. اورانين ايمکاناتيندان يارارلانيب و اورانين سيستمي ايله تانيش اولدوقلاريني سانيرلار. باتي اؤلکه لريندن بير جنت ياراتيب و ايچينه آتلاييبلار آنجاق بيلميرلر کي بو دونيادا اولانلار نه دير. آذربايجاني سوئد و يا آلمان ايله مقايسه ائديرلر ! بيزه آمريکانين فدراليسم و دموکراسي سيني توصيه ائديرلر و داها قوخونج بودور کي بو باره ده سس آليرلار و توپلوملار ياراتيرلار!!
بو ايکي توپلوم ٫ يعني ميللت و آيدينلار آراسيندا اولان آنلاشمامازليق و اوزاخليق چوخ تهلوکه ليدير. بير کور باشقا بير کورا يول نئجه گؤستره بيلير؟ ايکيسي ده قويي ايچينه دوشوب اؤله جکلر. بيزيم ايلک ياخئن آماجيميز بو الماليدير کي ميللت ايله آيدينلار آراسيندا معقوي باغلانتي قوراق. اگر باغلانتي اولمازسا ٫ سونوج قارماقاريشيق اولاجاق. اينديه قدر گؤردوگوموز بونو اثبات ائدير کي هله باغلانتي دوغروجاسينا قورولماييب. اگر باغلانتي اولسايدي بوقدر ايچريده چاليشانلارا تضييقات اولمازدي. آزيندان بو باغلانتي اولسايدي ٫ ايچريده اولان حرکت داها هئزلانيب و آذربايجان هارادير٫ حاقلاري ندير داها تئز ميللته آنلاتيليردي. توسباقا هئزي ايله يول گئتمک بيزي هم بوگون و هم گله جک دن قوياجاق.
گون.آذ.تي.وي يه بير آنادولو تورکو تلفن ائديب و دويقولاريني آچيقجاسينا سويلر. يوسوف بئي گرچکدن بير تورک اولاراق٫ آذربايجان تورکلرينه قارداشليقيني و سايقيسيني بيلديرير. بيزه دوشونور و بيزيم گله جگيميزدن انديشه ائدير. اؤلدورنلري اؤلدورون دئيير ٫ ياخانلاري ياخون دئيير و دئيير کي آذربايجاني سيزدن باشقا کيمسه آلا بيلمز. بو دئمک دير کي دانيشماق ٫ کورسياست ايشلتمک و ايکي اوزلولوک يئتر ٫ قوللار چيرمالانيب و ايشه باشلانماليدير. ساباح تورکيه اروپايا قاريشسا (!!) ساباح قوزئي آذربايجان ايران ايله ياناشسا و ساباح آمريکانين اورتادوغو تهلوکه سي آرادان گدتسه ٫ بيزه کيم آدام دئييب و حاق وره جک؟
آيا آذربايجان آدينا چاليشانلارين بوجور آچيق دانيشمالاري وار؟ يوخدور. ميللتي ساکت ائتمک ايله اونلارا ياخجيليق ائتمه ييب ٫ عکسينه اونلارين حاقلارينين داها چوخ ازيلمه سينه يارديم ائديلير. ميللت قالخماييب و حاقلاريني اؤز گؤجو ايله آلمازسا ٫ آذربايجان آذربايجان اولا بيلمز: غيرتلييک دئيه دئيه ٫ توپراقلاري الدن ورديک.
سوزون قيسساسي بودور کي اؤزاق آماجيميز آذربايجان کيمليگي و آذربايجان توپراقيني بليرلتيب و قورما آلتينا آلاق. کيمليک و سئنئر بللي اولدوقدان سورا ٫ آذربايجان بير سياسي توپلوم اولاراق تانيتيلابيلير. سياسي تانيتيلديکدان سورا هر ايش چؤزولموش اولور. بو دورمدان سورا ٫ سياسي پارتيلر و دوشونجه لر ياريشمايا باشلايا بيليرلر. من دموکراتام يا من فدرالچيام ايران چرچوه سينده ايشه ياراماز. بو ايش يعني هونگ ايچينده سو دؤيمک. ايران چرچوه سينده سنه حق ورن کيمدير؟ سنون فدرالچي و يا دموکرات اولدوقووا ده ير ورن کيمدير؟ اروپا و آمريکا بيزلره اويون اوينويورلار. بيز اونلارين ۵۰ ايل سوراکي کنسرولري ساييليريک. بيزه بيزدن باشقاسي يانماز.
بوگون آذربايجانين سياسي توپلوملاريندان هانچي سي آغير و اؤنملي موقعيته صاحيبدير؟ هانچي سي گؤجلو و آيدين سياسته صاحيبدير؟ هاچيسي دوغرو دوزگون ايش ياپيب و يا ياپير؟ بو گون اگر بير چاليشان وارسا اودا فاخته زمانيدير. فاخته خانيمين ياپديقي ايشلري ۱۱ ايل اويانيش حرکاتيندا ياپا بيلمه ييبلر. بو گون اولوسلارآراسي باغيش اؤرگوتو (امنستي اينترناشنال) حسن دميرچي و يا عباس لساني آديني تانيرسا فاخته خانيمن چاليشمالارينين سونوجودور. اؤرنک اولاراق هانچي تانينميش فعال بو قدر يارارلي اولا بيليب؟ پس ندن دانيشماقا سيرا گلديگينده ٫ هر کس ۱۰ دانا مدرک قولتوقونا وئريب و توپلانتيلارا قاتيلير؟ اوز آرالاريندا قوناقليق وئريب ٫ رئيس معاون اوينورلار !! عيبدير و همده بويوک عيبدير.
بيرليک !! نه بيرليک؟
بيرليک يارانا بيلمه يه جک تا او زمانا جان کي آذربايجان ميللتيني قورتولوشو باره ده هر کس بير سونوجا وارسين. بو سونوج استقلالدان باشقا هر نه اولورسا ٫ فاتحه اوخوماق کيمي اولوب و آذربايجانين ايشيني بيتيرمک اولاجاق. استقلال ايسته ينلر کيملرديلر؟
بيري ايران ايله فدرال اولوب و باشقاسي موستقيللک دوشونجه سينده اولورسا !! آيا بونلارين آراسيندا بيرليک ياراتماق اولور؟ بلي ٫ اولور آما دوشمنلرين قارانجينا. بير دوه چينين قالخيزماسي ايله ٫ ۴۰ حرامينين باسماسي ايله ٫ دوه قالخماز. بيرليگين ايله اساسي ٫ اؤزاق آماجيميزن بللي اولماسيدير.
بوگون آذربايجان و اؤنملي اولان تبريزي تانييب و قوروماق لازيمدير. آذربايجاني قالخيزان و ييخان تبريزدير. بو گون فارس سياسيتي بودور کي مرکزيت تبريزدن چيخسين و بو شهر بير منفعل حاله گيرسين. بيزيم بو حيله لره قارشي داها اويانيق اولماميز لازيمدير. تبريز اؤزگور اولمايينجا ٫ آذربايجان استقلال آلا بيلمز. گؤجوموز تبريزي قوروماق اولسون. يازيلار ٫ چاليشمالار و گؤستريلرين چوخو اوردا اولماليدير. تبريزده چاليشانلار چوخ گؤجسوز و يا آماجسيزديلار. اگر گؤجوموزو بير يره و بير آماجا قويساق ٫ قازانج بيزيم اولاجاق.
من آذربايجان و استقلال آماجينا ياشاييرام ٫ يا سيز؟
مسعود انتظار ۳۱/۱۰/۲۰۰۶ گلاسگو |
||
|
|
|
Materiallardan istifadə zamanı qaynağa istinad
vacibdir |