دیلین یانماسین باجیم!

دونن گئجه(16/4/1384) بیر  محترم! خانیم گون آز تلویزیونونا تلفون ائدیب احمد اوبالی جنابلارینا تروریست! آدی وئردی و بو سوزو،  اوره گی گوی نویه گوی نویه سویله دی. بو خانیمین چون اوره گی اود آلیب یانیردی  اود سوندورمه(آتش نشانی) اداره سینه زنگ آچامالییدی کی تله سیب  نومره نی اشتباه توتوب  گون آزدان باش چیخاردیب اوره گی یانایانا یامان یوووز سویله دی. باجی الله گوسترمه سین کی دیلین یانا اوندا تله سیب هارا زنگ آچاجاقسان! دیلین یانماسین باجیم!

بو خانیم بیر گون اوندان قاباقدا زنگ ائتمیشدیر و دئیردی" نییه ایران تورکلرینه گیر وئریبسینیز؟" بو خانیمین حضورونا چاتدیرمالییق کی اصلا گون آز یارانییب کی ایران تورکلرین، بیر آز قیدیخلاسین و یوخودان اویاتسین و گون آز گره کده گیر وئرسین. گون آز  ایران تورکلریندن علاوه فارس شوونیستلرینه ده گیر وئریر  و تورک وکیلرینه ده  و تورک مسئولارینادا گیر وئریر. باجی باجی اولسون اصلا سننه کیمه گیر وئریر!

            بو خانیمدان علاوه بیر چوخ محترم و متشخص! آغا دا ایرانین باش کندی آدلانان تهراندان زنگ ائدیب و شرط ائله دی کی اگر گونئی آذربایجاندان دانشیسانیز من سیزینله یه م، شمالی آذربایجاندان دانیشسانیز یوخ،  ولی بیر ایکی اوچ کلمه دانیشاندان سونرا نخجوانین هتلریندن باش چیخارتدی و او هتللرده پیس ایشه باخان قادینلارین چوخ اولماسین سویله دی و دئدی بیزیم تهراندا و هتلریمیزده بو جور آداملار یوخدور. بو عزیز قارداشیما  بیر نوچه نکته نی آیدنلاتماق لازیم گورونور:

1.       اولا بو آغا تهراندا هتللره گئتمه ییب اگر گئدیب هتلده ایشلییه نلرین قولاغینا بیر سوز اوخو سا اونلار باشلارین ترپه ده جکر و بیر آزدان سونرا بیر حوری گلیب اونون قاباغیندان گئچیب بیر صندلی اوستونده اوتوراجاق!

2.       ثانیا بو آغا تهرانین اصلی میدانلارین گورمه ییب نییه کی اگر، بیر باش وورسا ونک، صادقیه، امام حسین، میدان شهرک غرب... گوره ر کی شخصی ماشینلار مسافر میندیرن دوراقلاریینان(ایستگاه) بیر آز او طرف بو طرفده چوخلی ماشینلار منتظر دوروبلار!

3.       ثالثا بو آغا تهران خیاوانلارین اصلا گورمه ییب نییه کی بیر خاینم تهران خیاوانلاریندا تاکسی منتظرینه دورسا هر گلیب گئدن ماشین دودود دودود چالیب و سوروجو بیر باخیب گئچه جک. بعضی واقتلار گورونور کی بو ماشینلار بیر اوزون ترافیک یارادیبلار.

4.       رابعا بو آغا تهراندا سی دی ساتانلاری گورمه ییب کی میللتین شخصی توی و ائولرینین گوله رینین فیلملرینی ساتیرلار.

5.       خامسا بو آغا تهراندا سینمایا گئتمه ییب اگر گئتسه یدی بیلردی کی نئچه فیلم ایران قیزلارنین دبی و امارات اولکه سینه قاچاغی باره ده اکران اولونوب مثلا: نگین و بیر مستند فیلم ده کی بازادا چوخدی "فقر و فحشا" آدیندا، کی  مسعود ده نمکی  دوزه لدیب  مستند شکیلده گوستریر کی نجور قیزلاری  اماراتا قاچاق ائدیرلر.

6.       سادسا بو آغا روزنامه و اینترنت اوخومور اگر اوخورسا بیلر کی خراساندا قیزلاری قاچاقچیلارا ساتیرلار و اونلاردا آپاریرلار پاکستاندا بیر"خرابات" آدیندا یئرده اونلاری جنسی برده و قولا تبدیل ائدیرلر.

7.       سابعا بو آغا قم ، شاه عبدالعظیم و مشهد شهرینه بیر باش وورسا چوخ مساله لر آیدین اولار. قم شهرینده "شیخ قبریستانینا" بیر باش وورمالیدیر.

8.       ثامنا بو آغا آخشام باشی بیر "دانشجو پارک" ینا باش وورمالیدیر.

9.       تاسعا امارات هتلرینه ده اگر گئتسه بیر باش وورمالیدیر بوندان علاوه خارجی دیپلوماتلار ایراندا ایشله مک اوچون ال و قل سیندیررلار. یونان قبرسینین سفیرین نییه اخراج ائتدیرلر!؟

10.    عاشرا کرج شهرینده اولان "هدایت" ارشاد ائولرینین صاحیبلرینین محاکمه لرینی روزنامه لرین آرشیویندن تاپیب اوخومالیدیر. صاحیبی دادگاه انقلابینین رئیسی ایدی قاچقین(فراری) قیزلاری هدایت ائدیردیلر!

نقدر بو سوزده  سوز وار!

کبودوند آدیندا بیر کورد میلتچی سی و "روزنامه مردم کردستان" نین سابق مسئول مدیر و ایندیکی "سازمان حقوق بشر کوردستان" بیر بیانیه ده،  آذربایجانین "اورمو" شهرینی بیر کوردستان شهری کیمی تانیتدیریب و نئچه ائل بوندان اونجه بهاالدین ادب سنندج وکیلی اورمونو بیر کورد شهری آدلاندیرمیشدیر. کورد لرده  گئجه "رژ تیو وی" به باخیب سحر دوروب دانیشیرلار. بیردن صاباح گوردون کی مصطفی هجری کوردستان دموکرات پارتیسینین لیدئری اردبیل شهرینده بو حزبین نئچه نفرینین زندانا دوشمه سینه گوره بیر بیانیه صادر ائله دی و اردبیلی کوردوستانین گوزو ساندی!

گوزه تچی