دوشمنی گولدورمه بيزه!
آذربايجان ميللی حرکتينين آغلامالی گونلری بير بير گليب چاتير و هر گون اونلار کی اوزلرين آذربايجان ميللی حرکتينه منسوب ائديرلر اونلاردان اوزونتلو خبرلر بير بيرلرينين عليهينه یاييلير و بير بيرلرينين آياخلارينين آردين بوشالديرلار او مساله کی بو آرادا ايتيبدير بو مظلوم ميلتين منافعسی و گله جکيدی.
او ايشی کی دوشمنيميز گوره بيلمزدی اوزوموز گورورک و اعتمادسيزليق معدنی اولموشوق وهر يانادا ياييريق و آتموسفئری خارابليرييق و دشمنلريميزه شادليق قاصدی اولموشوق. و آماتورلوغوموزو سياست و مبارزه عالمينده عيان شکيلده گوستريريک.
آماتورلاری تانيماق اوچون لازيم دئيل کی چوخ ساوادين اولا و ميللی حرکته ده چوخ سابيقه ن اولا فقط بير دفعه بونلارين مطلبلرين اوخوسان بلله نير کی بونلاری نقدر آماتور باخيشلاری واردير. او کی اينتقاد يئرينه تهمت وورور و افتراء يايير بير آماتوردی و حرکته ضربه ووراندی و علاوه ايتمه لييم کی نقد گره ک اصلاح ائده ن اولا نه تخريب ائدن. بونلارين نقديلری اصلاح اوچون دئيل بلکه تخريب اوچون يازيليبدير. نقدی کينه و نيئفرته چئويررلر و شخصی مسائلری قاباغا چکيرلر.
هله گورونور کی بيزيم قوجالاريميز بيلميرلر کی هاردا دانيشاجاقلار و هاردا يوموراق ووراجاقلار! دشمنلريميزی آرادان آپارماميش دوشوبلر اوز جانلارينا و بير بيرلرينه قيلينج چکيرلر، آغلاماليدی کی اونلار کی اوز مساله لرين اوز ايچلرينده حل ائده بيلميرلر ايدعالاری وارکی ميلت يولوندا چاليشرلار و ايستيرلر ميللتين منافعسيندن دفاع ائتسينلر بونلارين آدين نه قويماق اولار؟ آيا بونلار ميلته خيدمت فيکيرينده ديرلر يا ايستيرلر قدرته چاتسينلار؟ و رياست سئوداسی باشلاريندا وار؟ نييه های کوی ساليرلار؟ بيری دئير من پول آلماميشام و شئکواييه يازير و آيريسی دئير سن پول آلميسان و عائيله ن بو پولارينان گئچينير، بيری دئير"تيشه به ريشه ام نزن" او بيريسی بالتاينان اونون کوکوندن محکم وورور!
او کی ميلته خيدمت اوچون چاليشسا هيچ زامان اوز منافعسين اوستون توتماز و ميللی منافعنی قوربان ائتمز. و هر سوز، عمل و يازی کی ميللی منافعنی خطر سالا اونلاردان چکينر و هر سوز و عمل کی اعتمادسيزليق يارادار اونلاردان اوزاقلاشار و های کوی سالماز. و چاليشار دوشمنی چاليشه چاغيرا و اونون عليهينه بير يئنی جيبهه يارادا ولی بيزيم قوجالاريميز چاليشيرلار اوزوموزو چاليشه چکه لر و اوز عليهيميزه جيبهه آچيرلار و انئرژيميزی هدر وئريرلر.
بيز چوخ موتلويوق کی جوانلارميزين ايچينده بو سوزلر و بو کوتو ايشلر گورونمور و حتی بيريينين تقصيريده اولسا او بيريسی اوندان عوذر ايسته مه ميک باغيشلير. بير يادان چيخماز خاطيره کی ازومه راست گليب لازيمدير کی بورادا گتيرم تا مساله آيدينلاشسين : بير گون من ميللی فعالارينين گنجلرينن بير بالاجا تارتيشمام اولدو و تقصيرده منده يدی و بير نئچه گونده ن سونرا کی من اونو گوردوم و ايستيرديم بو يولداشميزدان عوذر ايستيه م مندن قاباق او منی شرمنده ائديب و سويلدی کی " سيز منيم باشيميدا کسسز من سوز دئمه رم" اونون بو کيشيليقندان من ارييب سو اولدوم و گنجلرميزين بو کيشيليقلارين مقايسه ائدين قوجالاميزين داورانيشلارينان کی گروهلارينين ايچه ری سوزلرين بيز بی.بی. سی راديوسوندان ائشيديريک!
گنجلرميزين آراسيندا بير سوزده اولاندا اوتوروب اوز ايچلرينده اونو حل ائديلر و ساده و بوش سوزلری سايتلارا و مئديالارا چکميرلر و آغيزلارا سالميرلار ولی قوجالاريميز ساده و بوش سوزلری آغيزلارا ساليرلار و اوز آبيرلارين آپاريلار. بو عاميانه سوز " دانيش آبيرين گئتسين" بونلارين باره سينده صدق ائدير. و هميده اوزلريندن و ميللتدن خجالت چکميرلر پيس و کوتو سوزلردن ده بير بيرلرينين باره سينده عموم شکيلده فايدالانيرلار(ساده لوح- بزدل).
بونلارين بو ايشلری و بو سوزلری و مکتوبلاری آذربايجان ميللتينين منافعسين خطر سالير و هميده ميللی حرکتيميزده اعتمادسيزليق و بدعت يارادير و کی هر کيمسه نه نه سيندن کوس سه گليب بير مکتوب يازسين و هامييا تهمت وورسون. بونلار هر کيمسه اولسالار اولسون لازيمدير کی بير مساله نی تاپيشيراق کی او زاماناجان کی آذربايجان ميللی حرکتينين آديننان فايدالانيرسيز و اوزونوزو بو حرکته منسوب ائديرسز حاقيز يوخدور بوجور يئرسيز مساله لری قاباغا چکسيز. اگر قصديز ميللی حرکته ضربه وورماقدير، بوله بوله و يا بولمييه بولمييه آذربايجان ميللتينين جوانلاری کی بو حرکتين گوزتچيسی ديرلر سيزين قاباغيزی آلاجاقلار. سيزده ن خواهيش اولونور هر چه تئزراق بو ايشلرينيزده ن ال چکيب و ميللی حرکتين فعالاريندان عوذر ايسته ييیب و معقولانه داوراناسيز و الا ميللی حرکتين جوانلاری سيزی بايکوت ائديب و ايزوله ائده جکلر.
سرينگول باش يوردلی