بیز اودوزمامیشیق
پاسیفیستی باخیشیلارینان میللی منافعمیزی قورویا بیلمریک!
آیدین تبریزی جنابلارینا بیر تنقید
سئچکیلرین نفس قیران ماراتونو سونا چاتدی، و هارد لاین(اصولگرا) گروهلارین کاندیدلری ایرانین جمهور باشقانلغینا انتخاب اولوندو، و بیر داهادا ایران مردم گوستردیکی یالانچی و قلابی اصلاحچیلارین بخت اولدوزلاری تاریخ بویو بو اولکه ده سونمه لیدیر.
بیز هر بیر مساله نی آذربایجان میللی منافعی اساسیندا تعریف ائتمه میز و بو اساسدا دانیشیب و داورانمامیز بیزیم اونملی مساله میزدیر. آذربایجان میلتینین منافعین اصلاح طلبی حرکتی اساسیندا تعریف ائتمک و بو اساسدا دانیشماق چوخ یالنیشدیر.
اصلاح طلبلر بو دفعه ده اوز کئچه جکده ائتدیکلری اشتیباهلارینین تاوانین وئردیلر و ایران مردمو بونلارا بیلیندیردی کی میللتین منافعیندن مدافع ائتمه ین گروهدان دفاع ائتمه یه جکلر. اصلاح طلبلر 6 نجی مجلسده اکثریتده اولا اولا حکومتی حکمون قاباغیندا دایانمادیرلار و اونا بویون قویدولار اگر او زامان هامیسی بو حکمون قاباغیندا دایانسایدیلار و حاکمیتی دالی اوتوردسایدیلار اوندا ایران مردمو اونلاریلا حرکت ائده ردیلر و الا گلیب مجلسین سونوندا تحصن ائدیب و اوز منافعلرینه گوره دانیشماغینان میلتیتن سسین قازانا بیلمزلر.
بونلار مجلسده اکثریتده اولا اولا ایراندا یاشایان میلتلرین حاقلاریندا کامیل شکیلده دیفاع ائتمه دیرلر. آنا یاسانین 15نجی اصلی بو مجلیسده رای گتیرمه دیر. نییه؟ چون بونلار اوز منافع لری اساسیندا حرکت ائدیردیلر و دموکراسی و بشر حاقلارین ناقص شکیلده و اوز منافعلری اساسیندا تعریف ائتمیشدیرلر. و ایران دا یاشایان میلتلرین حاقلارینی و ایسته کلرینی انوتموشدورلار و اصلا شاید بونلار ایراندا یاشایان میلتلرین حاقلارینا باور و اعتقادلاری یوخدور . دموکراسی و بشر حاقلاری بیر بسیط موضوعدور ولی اصلاحاتچیلاری او زامان کی منافع لری ایجاب ائدیردیر اوندان دفاع ائدیردیلر و او زامان کی منافع لری ایجاب ائتمیردیر اوندان دیفاع ائتمیردیلر.
بو سککیز ایلده هانکی زامان بونلار بابک قالاسیندا توتولانلاردان دفاع ائتدیلر و حاکمیتین عملین محکوم ائتدیلر؟ نییه اوزوموزو آلدادیریق؟ و بونلارین داغیلمیش و پوزولموش حالارینا آغلاییریق؟ ائله بیر کی یاغیش زامانی کسسگ اوتوروب داشین حالینا آغلاییر! بیز اوزموزه و اوز میللی منافعمیزه فیکیرلشمه لییک، بیزیم اصلاحچیلارینان مشترک منافعمیز چوخ آزدیر، نییه کی اونلار منافعلرین فارس و آریائی اساسیندا تعریف ائدیرلر نه بیزیم منافعمیز اساسیندا. بو سککسیز ایلده نقدر بیزیم علیه میزه کیتاب و مقاله یازیلیبدیر و هامیسیدا بونلارین یاردیمی اساسیندا اولوبدور. بالیق صیفت(ماهی صفت) بونلارین زامانی لاپ اکتیو اولدو و بونلارین ارشاد وزارت خاناسی بالیق صیفتینن ایش بیرلیگ آپاردیر. ائرمنیلر گوجلندیلر و تهراندا فاشیستی ایشلر آپادیلار و هامیسی بونلارین زامانیندا اولدو. و ائرمنستانینان رابیطه لر چوخالدی چوخو اصلاح طلبلرین دورونده اولدو. او کس کی اوتوروب بونلارین حالینا آغلاییر لازیمدیر کی بونلارا جاواب وئرسن. بونلارین دوولتلری هانکی زامان ائرمنیستانی محکوم ائتدیلر؟
بیز آمریکانین ب 52 لارینی گوزله میریک کی بیزه دموکراسی گتیرسن، ولی او گون کی میللی منافعمیز ایجاب ائتسه شاید بعضی ایشلردن دفاع ائده ک کی فارسلارین منافعینن قارشی قارشییا اولا. هر مساله یه اومانیستی باخماق و فارسلار و کوردلرده بیزیلن قارداشدیلار دئییب و آذربایجان میللتینین منافعین خطر سالماق، باغیشلانمایان بیر اشتباه دیر. بیزیم آتا بابالاریمیزین پاسیفیستی (افراطی صلح ایسته مک) دانیشیب و عمل ائتمه لری آذربایجانی بو گونه سالیبدیر بیز اونلارین یالنیشلارین لازیم دئیل کی تکرار ائده ک. صلح یاخشی دیر ولی او زامان کی رقیب بویون قویمور و بیزیم وارلیغیمزی آرادان آپاریر و توپراقلاریمیزا گوزو وار نییله مه لییک؟ فدرالیسمیدن دانیشماق و اونو تئوریزه ائتمه ک یاخشیدیر و منده اوندان موافقیم ولی وقتی که اصلاح طلبلر فدرالچیلاری تجزیه طلب و آنارشیست آدلاندیریرلار نییله مه لییک؟ آریاچیلارا یالواراق کی بیزیم حاقلاریمیزی وئرین؟ آتا بابالاریمزین قاتیلریندن عفو طلب ائده ک؟ تورک کولتورونون قاتیلرندن و دشمنلرین انسانیت، صلح، بشر حاقلاریندان دانیشاق؟
بیزیم یولوموز اونلارینان چوخ فرقلیدیر و منافعمیزده ایندی اونلارینان توقوشمادادیر، ایندی بیز اوز حاقلاریمیز ایستریک و هامیسیندا ایستیریک ولی اونلار ایستیرلر کی بیز هله فارسلارین چوخ ایسته مه لرین تحمل ائدیب و اونلارین منافعی اساسیندا حرکت ائده ک بودا اولان ایش دئیل. نییه کی نقض غرضدیر و اوندا گره ک بیز اوز میللی منافعیمیزی اونوداق. بیزیم قیرمیز خطیمیز و جیزیغمیز میللی منافعمیزدیر. هر کس بو چیزیقلاری ایسیتیه پوزا اونون قارشیسندا دوراجاییق، کیم اولور اولسون حتی بیر فارس کی منیم فامیلیم و یولداشیم اولا و یا بیر تورک اولا. میللی منافعمیزی پاسیفیستی باخیشلارینان تعریف ائتمک میللتیمیزی خطره سالماقدیر و بو باخیشلارا میللی حرکتده یول وئرمه مه لییک.
ائلخان تورک اوغلو