|
|
|
|
من تانیدیغیم ماهنی زنگانلی ماهنی زنگانلی( پریسا بابائی) اورتا دیره ک(طبقه متوسط) بیر زنگانلی عایله ده دونیایا گلدی.عایله ایچینده هر کس فارسجا دانیشیر. 19 یاشینا قده رفارسجا دانیشا ن بیری دیر.تورکجه نی 19 یاشیندا اؤیرنمه یه باشلامیش. هئچ یادیمدان چیخماز بیر دفعه سینده منه بئله دئمیشدی- آیلارجا تورکجه قازئته نین بیر سطرینی اوخودوم ،آمما هئچ بیر شئیی آنلامادیم- اوعینادینا سالیب آناسی نین اونا چوخ گؤروب اؤیرتمه دییی آنادیلینی اؤیرنمیش وتورکجه شعر،نثرو کیتاب یازماغا باشلامیش.ایللرجه امید زنجان هفته لی یی نین تورکجه صحیفه سینی ایداره ائتمه سینده یاردیمجی اولموش. 64 صحیفه لیک رنگلی و اون مین تیراژ ایله چاپ اولوب و گونئی آذربایجانین کیچیک شهرلرینه قدر یایلان پیک آذر آیلیغینین داخلی مدیری اولاراق گورو یاپمیش.دفعه لرجه ایراندا کی شعر یاریشمالاریندا تورکجه شعر لری بیرینجلیک،ایکینجلیک مقامی گترمیش بیر اینسان دیر. میللی توره نلرده عایله سینه قارشی چیخاراق وبیر قادین اولماسینا راغما ایشتیراک ائتمیش.بو فعالییت لری نین سونوجوندا ایرانین بیر چوخ زندانی نی گزمیش( اردبیل،اهر،لاری،خیاو،تبریز،کلیبر،اوین ).یانی بعضی دوستلار اونو سیاسی بیریسی اولاراق گورمه سلرده ،سیاسی سوچودان دولایی محکوم اولموش.(ماراقلی اولان دوستلار و یا بیلمه یه رک دانیشانلار، اولوسلار آرارسی اینسان حاقلاری تشکیلات لارینین راپورلارینا موراجه ائده بیلر لر) ائرمنیلرین آذربایجانلی اوشاقلاری تهراندا پیچاخاما حادیثه سینده بیر دیشی آسلان کیمی کوکریب مانتوسونو یرتیب قان ایچینده اولان آتیلا کیشی زاده نین یارالارنا سارمیش بیر قهرمان دیر. او اوزونوا ثبات لامیش بیرآذربایجانلی دیر. اینسانلاری تانیمادان اونلار حاقیندا دانیشماق قدر یانلیش بیر شئی اولانماز.
بونلار بیر طرفه دورسون، شاعرلر،یازارلار بوتون دونیادا توپلوملارینین ان باشدا گئله ن آیدینی کیمی قبول ائدیلیر لر. توپلوملارینداکی یانلیش لاری دیله گئتیریب تنقید ائدیرلر. بونلارین هامیسی بیر یانا دورسون هر آذربایجانلی نین ، میللتین لیدری و قوتاریجی تشکیلاتی کیمی اعلان ائده ن لری سورغو سئوال له چکمه سی وگوروشلرینی دیله گئتریرمه سی قدر دوغال بیر شئی اولاماز. آذربایجان میللی حرکتی گنج بیر حرکت دیر.هئچ بیر شئی تام اولاراق یئرینه اوتورمامیش وپوروفوسیونل سیاست چی لریمیز یوخدور.حتی اوزلرینی سیاست چی کیمی آپاران بیرچوخ اینسانیمیز اوزلرینی شاعر اولاراق دا گورورلر. دانیشماقدان ،دارتیشمادان قورخان و قاچان بیر میللت آیدین بیر گلجه ییه دوغرو گئده نمز. آمما سون اولاراق بونو دئمه لییه م کی بیر دانیشیقدا و مباحثه ده اساس قونونو بیر قیراغا قویوب،سن نییه الفبانی بئله یازیسان؟ سنه شاعیر سن؟ و...؟ کیمی ساپتیرمالار ایله دانیشیق و مباحپه کولتوروموزو گه لیشدیره بیلمه ریک اینانیرام کی آذربایجانین ان بویوک ایلرله مه سی بو مباحیثه لری آپارا بیلمه سی دیر.طبیعی کی گونول ایستردی بو مباحثه لر داها سئویله لی اولسون. امما نه ائده ک کی بعضی دوستلاریمیز ولایت فقیه سیستیمنی ایچسه له شدیرمیشلر.
اومود ائورن ulashoz@yahoo.com |
||
|
|
|
Materiallardan istifadə zamanı qaynağa istinad
vacibdir |