|
آرشيو ا
ادبيات ا
اوشاق ا
قادين
ا
رئداكتوردان
|
گونتاي گنجآلپ
کؤپکلرين سئويشمه سي
بونلاري يازماليياممي؟ ندن يازماييم کي؟ بو جينايتلر
يازيلماسا هئچ بير زامان دورماق بيلميه جک. بو کيمي سواللارين
ويجدانيمدا باش قالديريشي مني يازماغا زورلايير. يازمالييام.
اؤزلليکله فينلاندييادا حئيوان حاقلاريني قورويان دَرنَکلرين
ائتديکلري ايشلره باخديغيمدا موطلق بونلاري يازماق ضرورتي
ويجدانيمي ساردي. بو درنکلر صاحیبسيز کؤپکلره دؤولتين صاحیب
چيخماسيني، اونلارا قايغي گؤسترمه سيني طلب ائديرلر، دؤولت ده بو
توپلومسال احتيياجلارا دقيقت گؤسترير. ايشين چوخ ايلگينج ياني
بودور کي، آوروپادا بو درنکلر دؤولتدن حئیوان حاقلارينا سايقي
گؤسترمه سيني ايسته ديکلري زامان، ايستانبولدا و ديگر ايسلام اؤلکه
لرينده صيفتلريندن قاتيلليک ياغان موسلمانلار کوچه لرده صاحیبسيز
کؤپکلري اونلارين ديني ياشاملارينا مانع اولماسينلار دئيه، گوللله
ييب دسته-دسته اؤلدوروردولر. بير چوخ آوروپا اؤلکه لري ده
موسلمانلارين بو وحشيليگيني تو-لرده خبر اولاراق يايينلاديلار. بو
گؤرونتولردن سونرا بير چوخ آوروپا قزئتلرينده مقاله لر يايينلاندي
کي، حئیوان حاقلاريني قوروما چاليشمالاري ائورَنسل بويوت
قازانماليدير. آوروپا بيرليگي آچيق شکيلده تورکييه جومهورييتينه
قوربان بايرامينداکي حئیوانلارين آمانسيزجا قتل ائديلمه سينه
اعتيراض ائتدي و آوروپا بيرليگينه گيرمک اوچون حئیوانلارين قتل
مراسيميني قوربان گونلرينده انگلله مه سيني ايسته دي. حئیوانلار
قوربان اولاراق کسيلديگي زامان درمانلا بدنلري نين حيسسسيز ائديلمه
لري ايستندي. لاکين مين ايلدن آرتيق بو قورخونج گلنه يه آليشميش
بير توپلومو قيسا زاماندا تربييه ائتمک مومکونمو؟ مومکون دئييلدير.
بو اوزدن ده يئنه قوربان گونلرينده حئیوانلاري بوغازلاما و بو
اؤلوم صحنه لريني نوماييش ائتديرمه ايسلام اورتا چاغي نين اؤنملي
بير اؤزلليگي کيمي داوام ائدير. بونو اؤنله يه جک بير يول وار:
آوروپانين گوجلو اولوب، ايسلام دونياسيني تربييه ائتمه سي اوچون
باسقي آلتيندا ساخلاماسي. يوخسا حئیوانلاري بوغازلاياراق،
اونلاردان اينتيقام آلارجاسينا اؤلدوروب و آخان قاني نوماييشه
قويما کولتورونو چؤکرتمک اوچون ايسلامين اؤزونده بير اؤنله مه
اولاناغي و مئکانيزمي مؤوجود دئييلدير. بو گيريشدن سونرا اساس
مؤوضوع اولان کؤپکلرين سئويشمه سينه کئچه ليم.
***
چوخ کيچيک ياشلاريمدان باشلاياراق بو حاديثه يه بير نئچه
دفعه تانيق
اولموشدوم. کندين اورتاسيندا، يا دا کنددن کناردا بير يئرده ايلين
بللي فصلينده ايتلر سئويشر، سئکس ياپارديلار. ايتلرين سئويشمه و
سئکس ياپماسينا کوتلشمه دئييرديک. يقين کي، بو کوتلشمه "جوتلشمه"
سؤزونون دئفورما ائديلميش شکليدير. ايتلرين کوتلشمه سي نئجه اولور؟
اينسانلارين ترسينه اولاراق حئیوانلار، يالنيز چوجوق دوغورما و نسل
آرتيرما اوچون سئکس ياپارلار. بونو دا ديشي حئیوانين بدنينده کي
دَييشيکليک بللي ائدر. ديشي حئیوان بدنينده کي
بو احتيياجي حيسس ائتديگينده ائرکک حئیوانا تورلو يوللارلا
بيلدريميش اولور. ديشي ايت ده کؤپه يه بو حاليني بيلديرديگي زامان
کؤپک تحريک اولماغا باشلار. کؤپگين پئنيسي قانجيغين جينسي
اورقانينا گيرديکدن سونرا کوتلشمه باش وئرر. کؤپک سئکس ياپارکن
پئنيسي قانجيغين جينسي اورقانيندا شيشيب بؤيومه يه باشلايير. کؤپک
بو مرحله ده تام آرخايا چئوريله رک ساعاتلارجا بو شکيلده قانجيقلا
بير يئرده قالار. کؤپگين بوشالماسي بعضاً ساعاتلارجا داوام ائدير.
بو موددت عرضينده کؤپگين پئنيسي قانجيغين جينسي اورقانيندا شيشيب
اوزانماغا باشلار. بلکه ده ايتلر اوچون بو پروسئس اونلارين
عالمينده حياتلاري نين ان دادلي و نجيب آنيدير.
ايتلرين کوتلشمه سي کنديميزده اهالي نين ساديزم دويغولاريني
بوروزه وئرردي. ايتلرين کوتلشمه سيندن خبردار اولان کندين ياشلي،
گنج و اوشاقلاري اللرينه داش آليب کوتلشميش ايتلره هوجوما
کئچرديلر. کؤپک، قانجيغين ايچينه بوشالماديغي آنا قدر اونلاري
بير-بيريندن آیيرماق مومکون اولمازدي. کندين
" قهرمان "
اهاليسي اوچون ايتلرين کوتلشمه سي بير ايشکنجه اَيلنجه سينه
دؤنوشوردو. هر کس الينده کي
داشلا کوتلشميش ايتلره هوجوما کئچيردي. بير-بيرينه گيرميش
قانجيق و کؤپک هر داشين ضربه سيندن ناله چکيب اولاييرديلار، آنجاق
بير-بيريندن قوپمور، قوپا بيلميرديلر. بير-بيرينه ياپيشيق شکيلده
بو وحشي آداملاردان اوزاقلاشيرديلار.
بير گون بو ايشکنجه اَيلنجه سي زاماني کنديميزين آستارالي
موعليمي اوزونو اهالييه توتوب باغيردي:
" سيزدن
دؤولته شيکايت ائده جه یم. آي اوتانمازلار، آروادلارينيزلا يورغان
آلتيندا ياتاندا سيزي بئله اينجيتسه لر، ياخشي
اولار مي؟"
شيکايت سؤزونو ائشيدن اهالي قورخوسوندان ياواش-ياواش اکيلمه يه
باشلادي. اينسانلارين اذييتيندن قورتولموش اولان ايتلر کنديميزين
آرخاسينداکي دره ده راحاتجا اؤز سئويشمه و سئکس حياتلارينا داوام
ائتديلر.
ايتين کوچوکلريني دوغوردوغو زامان ايسه باشقا فلاکت باش
وئريردي. ايتلر بعضاً 7-8 کوچوک دوغوروردو. کندين آداملاري
قاپيلاريني و قويونلاريني قورددان قوروماق اوچون بير نئچه کوچوک
ساخلاييب بؤيودور، قالانلاريني دا اؤلدوروردولر.
ايتين بالالاريني آپاريب کندين چوخ اوزاق تارلالاريندا هره
سيني بير يانا آتيرديلار کي، اورادا اؤلسونلر. آنجاق ياورولارين
آناسي اونلاري بير- بير تاپيب يئنه ده گتيريب سامانليقدا، قالاقدا
فيلان اطرافينا ييغيب اميشديريردي. دورومو بو شکيلده گؤرن ايت
صاحیبي کوچوکلري بير کؤهنه توربايا ييغيب آپاريب دره ده قويوردو
داشين اوستونه. سونرا دا بؤيوک داشلارلا بو کوچوکلري ازمه يه
باشلاييردي. کوچوکلري بو شکيلده اؤلدوروردولر کي، آنالاري تاپا
بيلمه سين. کندين اهاليسي نين بئله داورانمالاري نين ايقتيصادي
سببي وار ايدي. بير موددت سونرا سوددن کسيلن کوچوکلره وئريله جک
يئمک يوخ ايدي. اهالي اؤز بالالارينا چتين يئمک تاپيردي. کوچوکلرين
آناسي گئديب بالالاري نين ازيک-ازيک ائديلميش جسدلريني تاپيب،
اونلارين سور- سوموکلريني داشيردي سامانليغا فيلان. هفته لرجه
بالالاري نين سور-سوموکلرينه باخيب گؤزلريندن ياش آخاردي. آنجاق
کيمسه ايتلرين بو کدريني گؤرمزدي، يا دا گؤروب ده سايمازديلار.
بوتون ايران کندلرينده يايقين اولان بير گلنکدير بو. من ائله
بيليرديم کي، ايتلري بو شکيلده اينجيتمک کند حياتينا مخصوصدور و
شهرده بئله حاديثه
اولماز.
***
اردبيلده اورتا
مکتبي بيتيرمک اوزره ايديم. ايراندا يئنيجه ايسلام اينقيلابي
اولموشدو. اينقيلاب طرفدارلاري ياراشيقسيز ساققاللاري ايله
اللرينده سيلاح دولاشيرديلار. يئرلي- يئرسيز بو چيرکين آداملار
شوبهه لنديکلري آدامين قاباغيني کسيب تفتيش ائديرديلر. هر محلله ده
مؤوجود اولان مسجيد اينقيلابين سيلاحلي سنگرينه دؤنوشموشدو. بو
سنگرلر اينقيلابي کيمدن قورويوردو؟ خالقدان قورويوردو. مسجيدلري
اونا گؤره سيلاحلي سنگر مرکزينه چئويرميشديلر کي، ميللته ائده
جکلري ظولمون داياناقلاري اولسون. هر بير مسجيد بير جاسوسلوق
مرکزينه، بير قورخو يوواسينا دؤنوشموشدو. چيرکين ساققاللي آداملار
محلله اينسانلاريني اينجيتمک اوچون مسجيدلرده پلان حاضيرلاييب
کيميسه شرله ييرديلر. مسجيد، قارانليق، قورخو
و جهالت يايان مرکزه
دؤنوشموشدو.
شهرين کوچه لرينده
بعضاً صاحیبسيز کؤپکلر گؤرونوردو. بو صاحیبسيز کؤپکلرين چوخو
کندلردن گلميشدي. يعني کنددن شهره کؤچن آدام ايتيندن ده آيريلا
بيلمه ميش، اؤزويله شهره گتيرميشدي. آنجاق شهر حياتي ايت ساخلاماغا
موناسيب اولماديغي اوچون، کؤپکلر بوراخيلميشدي کوچه لره.
بير گون مکتبدن گلديگيمده گؤردوم الينده ايريلي- خيردالي
داش بير ناخیر اينسان بير مرکزه هوجوم ائديرلر. اؤنجه ائله بيلديم
هانسيسا " زينا " ائتميش قاديني داش- قالاق ائديرلر. ايزديحامين
ايچينه گيرديم، گؤردوم يوزلرجه اينسان کوتلشميش ايتلري
داشلاييرلار. کؤپکلرين ناله لري ايسلام آللاهي نين قولاغينا ندن
چاتميردي، آنلايا بيلميرديم. بو ايتلرين گوناهي ندير کي، بو قدر
ايسلام اينقيلابي نين قهرمان کئشيکچيلري اونلاري داش- قالاق
ائديرلر. ايسلام تاريخينده موجتهيدلرين " زينا " ياپان قادينين
داش- قالاق اولماسي ايله باغلي فتوا وئرديکلريني دويموش و
گؤرموشدوک. ياخشي بس موسلمانلار بو کؤپکلري نييه داش- قالاق
ائديرلر؟
کوتلشميش کؤپکلر قابيرغالارينا مؤحکمجه دَيَن هر داشين
آغريسيندان اولاياراق بير-بيرينه ياپيشيق شکيلده سورونور و
موسلمانلارين اليندن هارا گيره جکلريني بيلميرديلر. آخيردا ايتلر
سورونه- سورونه اؤزلريني قاپيسي آچيق اولان مسجيده سوخدولار.
موسلمانلار شاشقينلقيدان نه ياپاجاقلاريني بيلميرديلر. چونکو
کؤپکلر سئويشرک مسجيده گيرميشديلر. بعضي آداملار قورخوسوندان
اطرافينا باخيردي کي، بو بؤيوک گوناه اوزوندن ايمام زامان ظهور
ائديب يا يوخ؟ آرتيق مسجيدده مسکونلاشميشدي کوتلشميش ايتلر.
ايسلام اينقيلابيندان سونرا هر بير مسجيدين مسئولو شهرين
ايمام جومه سينه باغلي اولان قوروم طرفيندن تعيين اولونوردو. تعيين
اولونان بو آداملار حيزب اوللاه اولاراق تانينيرديلار. اونلارين
چوخو عاشورا گونلرينده باشلاريني او قدر يارميشديلار کي، خنجرين
يئري اوزاقدان گؤرونوردو. کوتلشميش ايتلرين مسجيده گيرديگي خبريني
مسجيدين مسئولونا چاتديرديلار. موسلمان اهالي نين سايي گئت- گئده
چوخاليردي. ايتلرين کوتلشرک مسجيده گيرمه لري گؤرولمه ميش بير
حاديثه و گوناه ايدي.
موسلمان اهالي قورخودان تئز- تئز صالاوات سؤيله ييردي.
مسجيدين مسئولو چيرکين گؤرونومو و ياراشيقسيز ساققالي ايله
عصبي شکيلده پئيدا اولدو. آدامين بير الينده باشيني يارديغي آغزي
هاچالي قيلينج و بير الينده ده کلاشنيکوف وار ايدي. او زامان بوتون
مسجيد مسئوللارينا کلاشنيکوف وئريليردي. آدام باشيني يارديغي
قيلينجي اونا گؤره آغزي هاچالي ائتميشدي کي، ابوطالي ابوغلو علي
نين قلينجي اولان ذوالفقارا بنزتسين. گويا علي نين قيلينجي نين
آغزي هاچالي ايميش! هاچالی قیلینج قینینا نئجه گیره بیلر؟
سويوق و ايستي سيلاحلا سيلحهلانميش اولان چيرکين و
ياراشيقسيز ساققالي آدام اؤنجه اوزونو ايزديحاما توتوب ديني بير
نيطق، بير خوطبه
سؤيله دي: " ائي موسلمانلار! قييامت ياخينلاشير. آقام ايمام
زامانين ظهورو ياخينلاشير. گوناه يئر اوزونو بوروموش. گؤرون دونيا
نه قدر پيس دوروما دوشوب کي، ايتلر ده گليب مسجيدده کوتلشيرلر. ائي
موسلمانلار! گئدين قوربان کسين و ايمام خومئيني نين ساغليغي اوچون
دوعا ائدين کي، آقاميز ايمام مئهدي نين ظهورونا قدر ديري قالسين.
بلکه ايمام خومئيني نين حياسي و هئيثييتي حسابينا آقاميز ايمام
زامان بيزي باغيشلار." بو سؤزلري ائشيدن اهالي قورخودان زاغ-زاغ
اسيردي. سونرا دا الينده قيلينج و کلاشنيکوف توتان آدام اوزونو
گؤيلره توتوب هؤنکور-هؤنکور آغلاماغا باشلادي:
" يا رببيم کئچ گوناهيميزدان! يا رببيم بيليرم کي، ايتلرين
مسجيده گيرمه سي بو زاواللي بنده لري نين گوناهي اوزوندندير. يا
رببيم سني آند وئريرم اؤز بؤيوکلوگونه، سني آندا وئريرم 14 معصومون
شرفينه بيزي باغيشلا!" ايزديحامين ايچيندن اورتا مکتبلي بير گنج
آدام دئدي: " کؤپکلري دؤيه-دؤيه اورايا سالديلار. "
الينده سيلاح و قيلينج توتان حيزب اوللاه:
" کس سسيني قودوخ اوغلو قودوخ! بو بيزيم ائتديگيميز
گوناهلارين نتيجه سيدير." - دئدي. اورتا مکتبلي گنج آدام صيفتيندن
نيفرت تؤکولن حيزب اوللاهدان قورخوب ايزديحامين ايچينده يوخ اولدو.
کؤپکلر هله ده بير-بيريندن آيريلماميشديلار. مسجيدين
ايچينده راحات سئکس دویغولاريني ياشاييرديلار. بلکه ده چوخ
باغيشلايان اولو تانري دا کؤپکلرين بو سئويشمه صحنه سيندن لذت
آليردي. مسجيدين مسئولو دؤرد نفره دئدي کي، ياپيشين کؤپکلري
چيخارين چؤله، سونرا گئديب غسل ائديب ناماز قيليب تميزلنرسينيز.
بير- بيرينه کؤپگين پئنيسي ايله سيخجا باغلي اون تلر دشار
چيخارديلار. مسجيدين مسئولو ذوالفقارا اوخشار قيلينجيني باشي نين
اوستونه قالديريب عربجه يوکسک سسله بير شئيلر سؤيله دي. سونرا دا
وار گوجو ايله "
يا... حو...سئ..ين..! "
دئيه رک، قيلينجيني ايکي ايتين آراسينا ائنديردي. کؤپگين
پئنيسي اورتادان کسيلدي. ياريسي قانجيغين جينسي اورقانيندا قالدي.
جينسي اورقانيني ايتيرن کؤپک آغريدان قورخونج شکيلده اولايير و
قودورموشجاسينا یئر اوزونده عدالتی برقرار ائتمک ایددیعاسیندا
اولان موسلمانلارا هوجوم ائديردي. يئنه ده مسجيد مسئولونون
باغيرتيسي يوکسلدي: "
ائي موسلمانلار، منيم قاباغيمدان چکيلين کنارا بو ايتلري اؤلدوره
جه یم." موسلمانلار
مسجيد مسئولونون آرخاسينا کئچيب اونون نه ائده جگيني گؤزله ديلر.
حيزب اوللاه الينده کي
کلاشنيکوفون لوله سينه مرمي يئرلشديريب و ايتلرين ايکيسيني
ده آتشه توتدو. کؤپکلر يئره سريلميشديلر. جان وئريرديلر. سون
نفسيني وئرمکده اولان کؤپک ديلي ايله پئنيسي نين ياراسيني
يالاييردي. آرتيق اولاما ناله سي ضعيف اينله مه يه دؤنوشموشدو.
اؤلوردولر.
کؤپکلري اؤلدورن حيزب اوللاه سونرا دا اوزونو موسلمانلارا
توتوب " تکبير! " -
دئدي. موسلمانلار ايسه خور شکلينده باغيريب بو غلبه يه
موناسيبتلريني بيلديرديلر:
" آللاه و اکبر، آللاه و اکبر- خومئيني رهبر."
کؤپکلرين جسديني بير پالازا بوکوب هاراسا آپارديلار.
مسجيدين مسئولو حيزب اوللاه ايسه قورخولو جنوار کيمي خاطيره لرده
قالدي. هر زامان بو آداملا راستلانديغمدا کوچه نين ديگر طرفينه
کئچير و اؤز-اؤزومه م. ع. صابيرين " هاردا موسلمان گؤرورم قورخورام
" شعريني
پيچيلداييرديم.
***
بودور ايران مدنييتي. بودور ايسلام اينقيلابي نين عدالت و
مرحمت آنلاييشي...
***
آوروپادا گنج گؤزل
قيزلار دؤولته باسقي گؤستريرلر کي، ندن کؤپکلرين سئکس حياتلاري
اوچون گرکن ديققت ائديلمير...
25.01.2008
Köpəklərin sevişməsi
Bunları yazmalıyammi? Nədən yazmayım ki? Bu cinayətlər yazılmasa heç bir zaman durmaq bilməyəcək. Bu kimi sualların vicdanımda baş qaldırışı məni yazmağa zorlayır. Yazmalıyam. Özəlliklə Finlandiyada heyvan haqlarını qoruyan dərnəklərin etdikləri işlərə baxdığımda mütləq bunları yazmaq zərurəti vicdanımı sardı. Bu dərnəklər sahibsiz köpəklərə dövlətin sahib çıxmasını, onlara qayğı göstərməsini tələb edirlər, dövlət də bu toplumsal ehtiyaclara diqqət göstərir. İşin çox ilginc yanı budur ki, Avropada bu dərnəklər dövlətdən heyvan haqlarına sayqı göstərməsini istədikləri zaman, İstanbulda və digər islam ölkələrində sifətlərindən qatillik yağan müsəlmanlar küçələrdə sahibsiz köpəkləri onların dini yaşamlarına mane olmasınlar deyə, güllələyib dəstə-dəstə öldürürdülər. Bir çox Avropa ölkələri də müsəlmanların bu vəhşiliyini TV-lərdə xəbər olaraq yayınladılar. Bu görüntülərdən sonra bir çox Avropa qəzetlərində məqalələr yayınlandı ki, heyvan haqlarını qoruma çalışmaları evrənsəl boyut qazanmalıdır. Avropa Birliyi açıq şəkildə Türkiyə Cümhuriyətinə qurban bayramındakı heyvanların amansızca qətl edilməsinə etiraz etdi və Avropa Birliyinə girmək üçün heyvanların qətl mərasimini qurban günlərində əngəlləməsini istədi. Heyvanlar qurban olaraq kəsildiyi zaman dərmanla bədənlərinin hisssiz edilmələri istəndi. Lakin min ildən artıq bu qorxunc gələnəyə alışmış bir toplumu qısa zamanda tərbiyə etmək mümkünmü? Mümkün deyildir. Bu üzdən də yenə qurban günlərində heyvanları boğazlama və bu ölüm səhnələrini nümayış etdirmə islam orta çağının önəmli bir özəlliyi kimi davam edir. Bunu önləyəcək bir yol var: Avropanın güclü olub, islam dünyasını tərbiyə etməsi üçün basqı altında saxlaması. Yoxsa heyvanları boğazlayaraq, onlardan intiqam alarcasına öldürüb və axan qanı nümayişə qoyma kültürünü çökərtmək üçün islamın özündə bir önləmə olanağı və mexanizmi mövcud deyildir. Bu girişdən sonra əsas mövzu olan köpəklərin sevişməsinə keçəlim.
*** Çox kiçik yaşlarımdan başlayaraq bu hadisəyə bir neçə dəfə tanıq olmuşdum. Kəndin ortasında, ya da kənddən kənarda bir yerdə ilin bəlli fəslində itlər sevişər, seks yapardılar. İtlərin sevişmə və seks yapmasına kütləşmə deyirdik. Yəqin ki, bu kütləşmə “cütləşmə” sözünün deforma edilmiş şəklidir. İtlərin kütləşməsi necə olur? İnsanların tərsinə olaraq heyvanlar, yalnız çocuq doğurma və nəsl artırma üçün seks yaparlar. Bunu da dişi heyvanın bədənindəki dəyişiklik bəlli edər. Dişi heyvan bədənindəki bu ehtiyacı hiss etdiyində erkək heyvana türlü yollarla bildrimiş olur. Dişi it də köpəyə bu halını bildirdiyi zaman köpək təhrik olmağa başlar. Köpəyin penisi qancığın cinsi orqanına girdikdən sonra kütləşmə baş verər. Köpək seks yaparkən penisi qancığın cinsi orqanında şişib böyüməyə başlayır. Köpək bu mərhələdə tam arxaya çevrilərək saatlarca bu şəkildə qancıqla bir yerdə qalar. Köpəyin boşalması bəzən saatlarca davam edir. Bu müddət ərzində köpəyin penisi qancığın cinsi orqanında şişib uzanmağa başlar. Bəlkə də İtlər üçün bu proses onların aləmində həyatlarının ən dadlı və nəcib anıdır.
İtlərin kütləşməsi kəndimizdə əhalinin sadizm duyğularını
büruzə verərdi. İtlərin kütləşməsindən xəbərdar olan kəndin
yaşlı, gənc və uşaqları əllərinə daş alıb kütləşmiş itlərə
hücuma keçərdilər. Köpək qancığın içinə boşalmadığı ana qədər
onları bir-birindən ayrırmaq mümkün olmazdı. Kəndin “qəhrəman”
əhalisi üçün itlərin kütləşməsi bir işkəncə əyləncəsinə
dönüşürdü. Hər kəs əlindəki daşla kütləşmiş itlərə hücuma
keçirdi. Bir-birinə girmiş qancıq və köpək hər daşın zərbəsindən
nalə çəkib ulayırdılar, ancaq bir-birindən qopmur, qopa
bilmirdilər. Bir-birinə yapışıq şəkildə bu vəhşi adamlardan
uzaqlaşırdılar. Bir gün bu işkəncə əyləncəsi zamanı kəndimizin Astaralı müəllimi üzünü əhaliyə tutub bağırdı: “Sizdən dövlətə şikayət edəcəyəm. Ay utanmazlar, arvadlarınızla yorğan altında yatanda sizi belə incitsələr, yaxşı olar mı?” Şikayət sözünü eşidən əhali qorxusundan yavaş-yavaş əkilməyə başladı. İnsanların əziyətindən qurtulmuş olan itlər kəndimizin arxasındakı dərədə rahatca öz sevişmə və seks həyatlarına davam etdilər.
İtin küçüklərini doğurduğu zaman isə başqa fəlakət baş
verirdi. İtlər bəzən 7-8 küçük doğururdu. Kəndin adamları
qapılarını və qoyunlarını qurddan qorumaq üçün bir neçə küçük
saxlayıb böyüdür, qalanlarını da öldürürdülər.
İtin balalarını aparıb kəndin çox uzaq tarlalarında
hərəsini bir yana atırdılar ki, orada ölsünlər. Ancaq yavruların
anası onları bir-bir tapıb yenə də gətirib samanlıqda, qalaqda
filan ətrafına yığıb əmişdirirdi. Durumu bu şəkildə görən it
sahibi küçükləri bir köhnə torbaya yığıb aparıb dərədə qoyurdu
daşın üstünə. Sonra da böyük daşlarla bu küçükləri əzməyə
başlayırdı. Küçükləri bu şəkildə öldürürdülər ki, anaları tapa
bilməsin. Kəndin əhalisinin belə davranmalarının iqtisadi səbəbi
var idi. Bir müddət sonra süddən kəsilən küçüklərə veriləcək
yemək yox idi. Əhali öz balalarına çətin yemək tapırdı.
Küçüklərin anası gedib balalarının əzik-əzik edilmiş cəsədlərini
tapıb, onların sür-sümüklərini daşırdı samanlığa filan.
Həftələrcə balalarının sür-sümüklərinə baxıb gözlərindən yaş
axardı. Ancaq kimsə itlərin bu kədərini görməzdi, ya da görüb də
saymazdılar. Bütün İran kəndlərində yayqın olan bir gələnəkdir
bu. Mən elə bilirdim ki, itləri bu şəkilədə incitmək kənd
həyatına məxsusdur və şəhərdə belə hadisə olmaz.
*** Ərdəbildə orta məktəbi bitirmək üzrə idim. İranda yenicə islam inqilabı olmuşdu. İnqilab tərəfdarları yaraşıqsız saqqalları ilə əllərində silah dolaşırdılar. Yerli-yersiz bu çirkin adamlar şübhələndikləri adamın qabağını kəsib təftiş edirdilər. Hər məhəllədə mövcud olan məscid inqilabın silahlı səngərinə dönüşmüşdü. Bu səngərlər inqilabı kimdən qoruyurdu? Xalqdan qoruyurdu. Məscidləri ona görə silahlı səngər mərkəzinə çevirmişdilər ki, millətə edəcəkləri zülmün dayanaqları olsun. Hər bir məscid bir casusluq mərkəzinə, bir qorxu yuvasına dönüşmüşdü. Çirkin saqqallı adamlar məhəllə insanlarını incitmək üçün məscidlərdə plan hazırlayıb kimisə şərləyirdilər. Məscid, qaranlıq və chalt yayan mərkəzə dönşmüşdü. Şəhərin küçələrində bəzən sahibsiz köpəklər görünürdü. Bu sahibsiz köpəklərin çoxu kəndlərdən gəlmişdi. Yəni kənddən şəhərə köçən adam itindən də ayrıla bilməmiş, özüylə şəhərə gətirmişdi. Ancaq şəhər həyatı it saxlamağa münasib olmadığı üçün, köpəklər buraxılmışdı küçələrə.
Bir gün məktəbdən gəldiyimdə gördüm əlində irili-xırdalı
daş bir sürü insan bir mərkəzə hücum edirlər. Öncə elə bildim
hansısa “zina” etmiş qadını daş-qalaq edirlər. İzdihamın içinə
girdim, gördüm yüzlərcə insan kütləşmiş itləri daşlayırlar.
Köpəklərin nalələri islam allahının qulağına nədən çatmırdı,
anlaya bilmirdim. Bu itlərin günahı nədir ki, bu qədər islam
inqilabının qəhrəman keşikçiləri onları daş-qalaq edirlər. İslam
tarixində müctəhidlərin “zina” yapan qadının daş-qalaq olması
ilə bağlı fətva verdiklərini duymuş və görmüşdük. Yaxşı bəs
müsəlmanlar bu köpəkləri niyə daş-qalaq edirlər?
Kütləşmiş köpəklər qabırğalarına möhkəmcə dəyən hər daşın
ağrısından ulayaraq bir-birinə yapışıq şəkildə sürünür və
müsəlmanların əlindən hara girəcəklərini bilmirdilər. Axırda
itlər sürünə-sürünə özlərini qapısı açıq olan məscidə soxdular.
Müsəlmanlar şaşqınlqıdan nə yapacaqlarını bilmirdilər. Çünkü
köpəklər sevişərək məscidə girmişdilər. Bəzi adamlar qorxusundan
ətrafına baxırdı ki, bu böyük günah üzündən imam zaman zühur
edib ya yox? Artıq məsciddə məskunlaşmışdı kütləşmiş itlər.
İslam inqilabından sonra hər bir məscidin məsulu şəhərin
imam cüməsinə bağlı olan qurum tərəfindən təyin olunurdu. Təyin
olunan bu adamlar hizbullah olaraq tanınırdılar. Onların çoxu
aşura günlərində başlarını o qədər yarmışdılar ki, xəncərin yeri
uzaqdan görünürdü. Kütləşmiş itlərin məscidə girdiyi xəbərini
məscidin məsuluna çatdırdılar. Müsəlman əhalinin sayı get-gedə
çoxalırdı. İtlərin kütləşərək məscidə girmələri görülməmiş bir
hadisə və günah idi. Müsəlman əhali qorxudan tez-tez salavat
söyləyirdi.
Məscidin məsulu çirkin görünümü və yaraşıqsız saqqalı ilə
əsəbi şəkildə peyda oldu. Adamın bir əlində başını yardığı ağzı
haçalı qılınc və bir əlində də klaşnikov var idi. O zaman bütün
məscid məsullarına klaşnikov verilirdi. Adam başını yardığı
qılıncı ona görə ağzı haçalı etmişdi ki, Əbutaliboğlu Əlinin
qəlıncı olan zülfüqara bənzətsin. Güya Əlinin qılıncının ağzı
haçalı imiş!
Soyuq və isti silahla silahlanmış olan çirkin və
yaraşıqsız saqqalı adam öncə üzünü izdihama tutub dini bir nitq,
bir xütbə söylədi: “Ey müsəlmanlar! Qiyamət yaxınlaşır. Ağam
imam zamanın zühuru yaxınlaşır. Günah yer üzünü bürümüş. Görün
dünya nə qədər pis duruma düşüb ki, itlərdə gəlib məsciddə
kütləşirlər. Ey müsəlmanlar! Gedin qurban kəsin və imam
Xumeyninin sağlığı üçün dua edin ki, ağamız imam mehdinin
zühuruna qədər diri qalsın. Bəlkə imam Xumeyninin həyası və
heysiyəti hesabına ağamız imam zaman bizi bağışlar.” Bu sözləri
eşidən əhali qorxudan zağ-zağ əsirdi. Sonra da əlində qılınc və
klaşnikov tutan adam üzünü göylərə tutub hönkür-hönkür ağlamağa
başladı: “Ya rəbbim keç günahımızdan! Ya rəbbim bilirəm ki,
itlərin məscidə girməsi bu zavallı bəndələrinin günahı
üzündəndir. Ya rəbbim səni and verirəm öz böyüklüyünə, səni anda
verirəm 14 məsumun şərəfinə bizi bağışla!” İzdihamın içindən
orta məktəbli bir gənc adam dedi: “Köpəkləri döyə-döyə oraya
saldılar.” Əlində silah və qılınc tutan hizbullah: “Kəs səsini
qodux oğlu qodux! Bu bizim etdiyimiz günahların nəticəsidir.”-
dedi. Orta məktəbli gənc adam sifətindən nifrət tökülən
hizbullahdan qorxub izdihamın içində yox oldu.
Köpəklər hələ də bir-birindən ayrılmamışdılar. Məscidin
içində rahat seks duğularını yaşayırdılar. Bəlkə də çox
bağışlayan ulu Tanrı da köpəklərin bu sevişmə səhnəsindən ləzzət
alırdı. Məscidin məsulu dörd nəfərə dedi ki, yapışın köpəkləri
çıxarın çölə, sonra gedib qüsl edib namaz qılıb təmizlənərsiniz.
Bir-birinə köpəyin penisi ilə sıxca bağlı olan itləri dışarı
çıxardılar. Məscidin məsulu zülfüqara oxşar qılıncını başının
üstünə qaldırıb ərəbcə yüksək səslə bir şeylər söylədi. Sonra da
var gücü ilə “Ya... Hü...se..yn..!” deyərək, qılıncını iki itin
arasına endirdi. Köpəyin penisi ortadan kəsildi. Yarısı qancığın
cinsi orqanında qaldı. Cinsi orqanını itirən köpək ağrıdan
qorxunc şəkildə ulayır və qudurmuşcasına müsəlmanlara hücum
edirdi. Yenə də məscid məsulunun bağırtısı yüksəldi: “Ey
müsəlmanlar, mənim qabağımdan çəkilin kənara bu itləri
öldürəcəyəm.” Müsəlmanlar məscid məsulunun arxasına keçib onun
nə edəcəyini gözlədilər. Hizbullah əlindəki klaşnikovun löləsinə
mərmi yerləşdirib və itlərin ikisini də atəşə tutdu. Köpəklər
yerə sərilmişdilər. Can verirdilər. Son nəfəsini verməkdə olan
köpək dili ilə penisinin yarasını yalayırdı. Artıq ulama naləsi
zəif inləməyə dönüşmüşdü. Ölürdülər.
Köpəkləri öldürən hizbullah sonra da üzünü müsəlmanlara
tutub “Təkbir!”- dedi. Müsəlmanlar isə xor şəklində bağırıb bu
qələbəyə münasibətlərini bildirdilər: “Allahu əkbər, Allahu
əkbər- Xumeyni rəhbər.”
Köpəklərin cəsədini bir palaza büküb harasa apardılar.
Məscidin məsulu hizbullah isə qorxulu cənəvar kimi xatirələrdə
qaldı. Hər zaman bu adamla rastlandığmda küçənin digər tərəfinə
keçir və öz-özümə M. Ə. Sabirin “Harda müsəlman görürəm
qorxuram” şeirini pıçıldayırdım.
*** Budur İran mədəniyəti. Budur islam inqilabının ədalət və mərhəmət anlayışı... *** Avropada gənc gözəl qızlar dövlətə basqı göstərirlər ki, nədən köpəklərin seks həyatları üçün gərəkən diqqət edilmir... 25.01.2008 |
 |
|