Durna

| آرشيو ا ادبيات ا اوشاق ا قادين ا رئداكتوردان

بهروز حقی

31-دکابر دونیا آـذربایجانلی لاری نین هم رای لیک گونو مناسبتیله

ای تورک اوغوز بئی لری!تورک خالقی ائشیت!اوستدن گوی چوکمه دیکجه ،آلتدان یئر دلینمه دیکجه ،بیل کی تورک اولوسو ،تورک یوردو ،تورک دوولتی ،تورک توره سی پوزولماز. سو کیمی آخیتدیغین قانینا، داغلار کیمی ییغدیغین سوموک لرینه لاییق اول! ای ئولومسوز تورک اولوسو،ئوزونه قاییت. سن ئوزونه قاییداندا بویوک اولورسان. بیلگه خاقان:(732-673)

ده یه رلی سوی داشلار!

عزیز هموطن لر!

31-دکابر دونیا آـذربایجانلی لاری نین هم رای لیک گونو مناسبتیله بوتون دونیا آذربایجان تورکلرینی سلاملاییروباغریما باسیرام .بو عموم میللی بایرام مناسبتیله دنیا تورکلرینی تبریک ائدیرم .

یئری گئلمیش کن فارس حاکمییتی نین یاراتدیغی بوغونتولارا بویون ایمه ییب ملی آزادلیق اوچون هرزادان عزیز اولان جانلاریندان کئچن ، زندانلاردا ملی وارلیغیمیزدان مدافعه ائدن قهرمان تورک قیز واوغول لاریمیزی خاطرلایاراق ، بو کوتسال یولدا شهید وئرن و سیاسی زندانیسی اولان حورمتلی عائله لره اوز هم دردلیییمی بیلدیریرم. .

حورمتلی سویداشلاریم!

تورک دونیاسی نین گوی لرینده سسی ابدی اولان ملی بیرلیک وهم رای لیین تاریخی تورکون توره نیش تاریخی قدر قدیم دیر. بیز مختلف نه دن لره گوره دفعه لرله آیریلیغین وقارداش نفاقینین قوربانیسی اولساق دا بوگونکی هم رای لیییمیز گوسته ریر کی تورک ملتی نین تاریخ بویو بیر ایستک و آرزی ایله دویونن اورکلرینی دمیر چپر، و شووینیستی سیاستلرله آییرماق اولماییب و اولا بیلمز.بو او دئمک دیر کی تورکون روحو پارچالانمازدیر.پارچالانماز ملی روحوموزو بو گونه دک یاشادان سوی کوکوموزده دوران اوغوز خانلار، دده قورقودلار،بیلقامیس لار،بابک لر،ختائی لر، آتا تورکلر، ائلچی بئی لرو علی اوف لارودوولتچی لیییمیزدیر. بوگونه دک آتا –بابا لاریمیزین بیلیک و همتی ایله گوز ببه یی کیمی قورونوب ساخلانان زنگین دیلیمیزو دونیا مدنیتینه وئردیییمیز فولکلور،ادبیات ، ملی عنعنعه واینانج ودشمنه دیز چوکمه ین تورکون پولاد اراده سی بیزیم بین الخالق کیم لیییمیز دیر.

ایران گویلرینده آییق ساییق اولان 35میلیون گونئی آذربایجان تورکونون، فارس و ارمنی تروریست حاکمیتی نین جانینا قورخو سالان «هارای هارای من تورکم» شعاری تاریخین قات-قاتیندان گئلن سس و بیزیم ملی هم رای لیییمیزین دانیلماز رمزی دیر.گونئی ین تاریخ بویو ملی آزادلیق و اجتماعی عدالت وبرابر حقوق لوق اوچون چیرپینان اوره یی و یوموروقا دونن بیرلییی ، ایرانی ملت لره زندان ائده ن شووینیستی سیستیمی تاریخ قبیرستانینا گوندره بیلن ،ملتلر آراسیندا باریشی وقارداشلیغی قورویان گوجودور. اوزوموزه،ملی کیملیییمیزه قاییتماق بیزی تورک دونیاسیندان آیری سالان دشمن سیاست لرینه وئره بیلدیییمیز تاریخی جوابیمیز دیر. بیز ئوز هم رای لیییمیزله دونیانین ان بویوک ملت لریندن اولان تورک اولوسوموزا قوووشماق شانسینی تاپا بیله جه ییز.اینا نیرام مستقل آذربایجان رسپوبلیکامیزین اوزاق گوروشلو پریزدنتی الهام علی اوفون تکلیفی ایله 2007-جی ئیلین 18نویابر آیی نین 19، 18، 17تاریخینده تورک دولت و جمعیت لری نین xı دوستلوق،قارداشلیق و امکداشلیق قورولتای نین باکی دا تشکیل تاپماسی سویداشلیقیمیزدا یارادیلان آجی طالعه سون قویماقین رمزی وتورک دونیاسی نین بیرلی یینین حیات تاپماسی نین ایلک اونملی آددیمی ایدی. قورولتای دا آذربایجان ،تورکیه ،قازاخستان،تورکمنستان،قیرقیزیستان ،اوزبکستان ،تاجیکستان،مونقولستان،شمالی قبرس تورک جمهوریتی ،35 میلیون گونئی آذربایجان تورک لری نماینده لری،روسیه فدراسیاسی نین تاتاریستان ،باشقیرستان،آلتای،چوواشییا،ساحا-خاکاس مختار رسپوبلیکالاری،کیریم،ققائ ویسک تورک لری ،عراق و افغانستان تورکلری نین نماینده لری وآلمانییا،آمریکا،استرالییا، بٍٍلچیکا،اسوچرا و باشقا اولکه لرده تورک دیللی خالقلارین دیاسپورا تشکیلاتچی لارینین تمثیلچی لری اشتراک ائتمیشلر.

بوطنطنه لی قورولتای دا تورک دونیاسی نین بویوک خادم لری نین کوتسال ایستک و آرزولاری گوزه ل باکی میزدا ینی دن جانلاناراق هامینی بیر لییه چاغیریردی.تورک لرین ملی و معنوی آتا سی ساییلان ضیا گوی آلپ 1911جی ئیل ده تورکون زنگین تاریخ و معنوی وارلیغینا ایناناراق دونیا تورک لری نین بیر لییینه و بو بیرلیکله تاریخی دشمنلری یئرینده اوتوتدورماغا امین اولاراق دیییردی :

وطن نه تورکییه دیر تورک لره ،نه تورکستان ،

وطن بویوک و موعببت بیر اولکه دیر :توران

دونیانین تانینمیش سیا سی شخصیتی، بویوک دولتچیسی اولان حیدر علی اوفون ساوه ت امپریاسینین «آییر- بویور »سیاستینین ماهیتینی نه قدر دوزگون و علمی آچیقلاماسی نین بارز نمونه سی ایدی.قورولتای حا ق باغیران سس ایله آنتی تورک سیاستلری نین محکومیتینی دنیا یا اعلام ائده رک باریش و قارداشلیق بایراغینی دالغالاندیردی. ینی دن مستقل آذربایجان رسپوبلیکاسی نین دونیا دا یاشایان بوتون آذربایجانلی لار اوچون دوغما وطن اولدوغونو اثبا ت ائدیردی. حیدر علی اوف آذربایجانین ساوه ت امپریاسی ترکیبینه قاتیلدیغی دوورودن بوتون تورک دونیاسیندان اوزاقلاشدیریلماق سیاستینه معروض قالماسینی نظرده توتاراق یازیردی:

«سا وه ت امپریا سی ترکیبینه قا تیلدیغی 70 ایل عرضینده آذربایجانا قارشی مستملکه چی لیک سیاستی یئریدیلمیش،اذربایجان خالقی تعقیب لره و کوتله وی جزا تدبیر لرینه معروض قالمیشدیر. امپریا سیاستی دنیا آذربایجانلی لارینی بیر-بیریند ن تجرید ائتمک مقصدی ا یله پان تورکیزم مفهومونو شرق عا لمینده تهلوکه لی بیر اید ییا کیمی تقدیم ائده رک ،دنیا دا و ساوه ت لر اتفا قیندا یاشایان تورک دیلی خالقلارآراسیندا علا قه لرین محدودلاشما سینا ، کسیلمه سینه جهد گوسترمیشدی. بو سیا ستین تظاهری کیمی سرحد چپه ر لری آذربایجان خالقینی پارچالامیشدیر. بوتون بونلارا باخما یاراق آذربایجان لیلار ملی دولت،ملی و معنوی بوتوولوک ،مستقل لیک اوغروندا مبارزه نی دوام ائتدیرمیشلر. »

آذربایجان قیزیل اوردو طرفیندن اشغال اولدوغو دووردن ان آغیر شرایط ده یاشاماغا معروض قالیبدیر.آذربایجانلی نین گوزو باخاراق آنا وطنی قوربانلیق اتی کیمی پای- پولوش اولوبدور. تاریخی سندلر نشان وئریرکی ساوه تین دمیر چپر لریندن اونجه هم تورکیه و هم ایران تورک لری آذربایجاندا روس و ارمنی قان توکنلرین جنایتینه هئچ واخت اعتنا سیز قالما میش و وار قووه لری ایله ملتیمیزین تاریخی دشمن لرینه قارشی مبارزه ده داعم هم رای اولوب وواحد جبهه ده بیرلشیبدیر. دئمک اولارکی ایران تورک لری نین سهوی نتیجه سینده قاجار تورک شاهلاری نین یئرینده فارس شووینیستلری اوتوردولدوغو زاماندان آرازین قوزه یینده ده خالقیمیز فاجعه لی طالع یاشامالی اولدی.

دشمن سیاست لرنتیجه سینده مشروطه حرکاتیندا آذربایجان تورک لری ایله چی یین به چی یین ارتجاع علیهینه دویوشن تورکیه انقلابچی لاری نین اشتراکی بوگونه قدر اطرافلی ایشیقلاندیریلماییب دیر. آمما بونلارا باخمایاراق بیر نئچه شرفلی یازیچی لارین زحمتی نتیجه سینده نئچه –نئچه گورکملی سیاسی و نظامی خادملرین آدی چوخ قاباریق صورتده گوزه چارپماقدادیر.دئمه لییم کی بو حرکاتدا یالنیز انقلابچی تورک قارداشلاریمیز یوخ بلکه تورکیه مشروطه انقلابی باشچی لاریندان دا ایران مشروطه خرکاتیله ماراقلانمیش و اونا مادی و معنوی یاردیمدان دا اسیرگمه میشلر. مصطفی کمال آتا تورکله بورسا حربی مکتبینده همدرس اولان عمر ناجی 1916-1878وآیدین پاشا و خلیل بیک وسایره دن اورنک اولاراق آد آپارماق اولار.

«عثما نلی حریت جمعیتی » طرفیندن پاریسده اولان «جوان تورکلر»تشکیلاتیله علاقه یاراتماق اوچون گونده ریلن عمرناجی سونرا لارپاریسده اوخوموش میرزا سعید سلماسی ایله تانیش اولور. خوی دا انقلابچی لارا قوشولان ، ئوز شعرلرینده تورکیه تورک لریله ایران تورک لری آراسیندا قارداشلیغی، سوی داشلیغی تبلیغ ائدن ناجی بیر نئچه یولداشی ایله داغلاردا ادویوشن زامان اسیر دوشور.اسارت دن قورتاریلان عمر ناجی سعیر سلماسی ایله برابر تشکیلاتچی ایشلر آپاریر.زنوزی نین باشچیلیغی ایله مرند شهری مجاهد لر الینه دوشندن سونرا خوی شهریده یکانلی نورالله خان و قوچ علیخان ین باشچیلیغی ایله آزاد اولور.اجتماعی عدالت اوچون اوردو توپلاماغا مشغول اولان حیدر عموغلی خویدا میرزا سعید سلماسی و عمرناجی ایله ینی دن مبارزه یه گئلن بیر عده آزادیخواه تورک انقلابچی جوانلاری حرارتله قارشیلاییر.بوسلاحلی دسته یه باشچی لیق ائدن خلیل بیگ ایدی.

خلیل بیک تورک عالمینین ملی مبارزه سینده ان تانینمیش بویوک اوردو قهرمانی انور پاشانین عمیسی اوغلی ایدی.دئمه لی یم کی آذربایجانین داشناک و بالشویک لر جایناغیندان خلاص ائدیلمه سینده عوض سیز تاریخی رول اوینامیش نوری پاشا ،بویوک تورانچی انورپاشا ایدی کی او تاریخی گونلرده تورکیه نین ساواش ناظری ایدی. آذربایجانی خلاص ائده ن ده بو کیملییینه صاحب چیخان بویوک سرکرده اولدو.

عمر ناجی مشروطه حرکاتی دوورونده بیر ئیل دن ارتیق گونی آذربایجاندا یاشاییر وتورکیه نین انقلابچی حرکاتی نین باشچیسی اولان عمر ناجی نین بوحرکاتا خصوصی فکر وئرمه سی و مالی یاردیمی حل ائدیجی رولو اولموشدور.(باخ : فتحی ته وه ت. عمر ناجی .استانبول.1973.ص 120-100)

تورکیه نین ان چتین دوورلرده بوتووآذربایجانا دایاق دورماسی قارداشلیغین،سوی داشلیغین و ملی هم رای لییین ان گوزل نمونه لریندن دیر. گمی ده اوتوروب گمیچی گوزو چیخارتماق آرزیسیندا اولان ارمنی و بلشویکلرین آذربایجانین قوزه یینده قان توکدویو دوورده تورک قافقاز اسلام اوردوسونون کند به کند و کوچه به کوچه ساواشی تاریخده اونودولمایان ملی بیرلیک نمونه لریندن دیر.ارمنی چته لرینه باشچی لیق ائدن آندرانیک اوزانیان آنادولودا ناحق قان توکمه یه راضی اولماییب زنگه زور،نخجوان،جنوبی آذربایجان،قاراباغ ،بورچالی ،قارایازی،آهال کله یی ،غربی گورجستان دا ، اورمو ،سلماس .و خوی دا و...(1 دنیا محاربه سینده روسیه نین دسته یی ایله ارمنی حکومتی قورماق فیکرین دوشن ارمنی چته لری یالنیز اورمو،خوی وسلماس دا 130 مین دن آرتیق تورکو سوی قیریما معروض قویوب وکلله لری ایله توپ اویناییبلار ) دا سوی قیریمینا دوام ائتدیلر.

دئمه لییم کی تورک اوردوسو گوی چای اطرافینداکی موقع لردن شرقه دوغرو یوروشونده ،تورک آذربایجان بیرلیک لری سیراسیندا 122نفر شهید و ایتگین و120 نفر یارالی وئرمیش دیر.

باکینی ارمنی بولشویک چته لریندن نجات وئرمه سی نین بیر نوبتینده 148 شهید وآغیر ایتکی یه معروض قالمیش دیر. خاقانی اسماییل بئی ین یازدیغینا اساسلاناراق تورک اوردوسو نون کاظم قارا بکیر پاشانین کوماندانلیغی آلتیندا کی باشقا خصه لری ده ایکی دفعه1918-جی و1920 جی ئیل لرده نخجوانی ارمنی و اونون خمایه دارلاری نین تجاووزوندن قورتاریب وآذربایجانین ترکیبینده قالماسینی تامین ائتمیش دیر.

بو هم رای لیک لر و ملی بیرلیک تورک دونیاسیندا دفعه لرله تکرار اولموشدور.آذربایجان تورکلری ده تورکیه نین آغیر گونلرینده ئوز قارداشلیق بورجونو لاییقینجه یئرینه یئتیریب و قانلاریله بو بیرلییی ابدی ائتمیشدیلر. بو کونوللو هم رای لیک لرده آذربایجانین تانینمیش یازیچی و شاعرلری و اوجمله دن محمد هادی لر،احمد جواد لار و عبد اللاه شائق لر بالکان ساواشلاریندا اشتراک ائتمیشدیلر. چاناخ قالا ساواشیندا دا آذربایجان تورکلری کونوللو اشتراک ائدیب و تورکیه تورک لری ایله چی یین به چی یین آزاد و دموکراتیک تورکیه نین یارانیب ،گلیشمه سینه یاردیمجی اولدولار.

قوزه ی آذربایجان تورک لری تاریخ بویو گونئی ین آغری لارینی ئوز آغری لاری کیمی یاشامیش و اللریندن گئلن یاردیمی اسیر گمه ییب ،لازیم گئلنده جانلارینی بئله قوربان وئرمیش لر. تکجه مشروطه انقلابی دوورونده حاجی زین العابدین تقی اوفون مالی یاردیمی ،محمد امین رسولزاده و نریمان نریمانوف کیمی بویوک شخصیت لرین مشروطه چی لرله گوروشو، قوزه ی آذربایجان مطبوعاتیندا مشروطه حرکاتی نین منتظم ترنم اولماسی ، 1946-جی ئیل ده فارس-ایران شووینیست لری نین 30 مین آذربایجان تورکونون سوی قیریمینی دونیا دا افشا ائتمه سی بو دائمی هم رای لیغین یاددا قالان اورنکی دیر. حتی بوگون قوزه ی و گونئی هم رای لییینین ان بویوک نمونه سی بیرده بودورکی فارس شووینیزمی گونئی آذربایجانین دیلی نین،تاریخی نین، مدنیتی نین اویره نیلمه سینه یاساق قویدوغو بیر حال دا گونئی آذربایجان تاریخی، گونئی آذربایجان ادبیاتی و...قوزه ی لی آراشدیریجیلارین زخمتی نتیجه سینده دونه- دونه نشر اولور. بو ملی بیرلییمیزین دانیلمازتاریخی سندی دیر.

بوتو آذربایجان ،گلستان و تورکمانچای مقاوله سیندن باشلایاراق هر ایکی طرف ئوزونه مخصوص سای سیز چتین لیکلر وملی ظولمه معروض قالسالاردا تاریخ بویو همدردلیک وملی بیرلیک ضرورتینی بیر آن دا اولسا اونوتماییب آغیر گونلرده دشمنه قارشی ساواشدا قانی بیر، سویی و آرزیسی بیر ملت کیمی چیخیش ائدیبلر.

آذربایجانین تانینمیش عالمی ویازیچیسی اولان میر محسن نوابین 1906-1905-جی ئیل لرده ارمنی-مسلمان داعواسی اثرینده دفعه لرله گونئی آذربایجانین و ایران تورک لری نین قان توکن و اشغالچی ارمنی لره قارشی ساواشلاریندان سوز گئدیر.« 1905-جی ئیل ده ناخجوان دا ایروان دا و باکی دا باش وئرن اختشاش لار زامانی ...مظلوم و شهید اولدوغونو ائشیدن تبریز اهلی بونا دوزمه ییب ئوز قویورلار ارمنی محله لرینه طرف. اونلار یوخاری دا گوسته ریلن شهرلرده ناحق یئره ئولدورولموش مسلمانلارین قانینین عوضینی چیخماق اوچون ارمنی لرین اوستونه گئدیردیلر. ..تبریز حاکمی نین امری ایله ارمنی لردن بوتون سیلاح وسورساتی(تفنگ ،گولله، توپانچاو...) هامیسینی ییغدیلار. و قول آلدیلار کی ارمنی لر ساکت اوتوروب عداوت تورتمه سینلرو.. ص23 »

میر مخسن نوابین سامباللی اثری نین 93-جی صحیفه سینده ایران و قاراباغ آتلی لاری نین هجومو 1323-1905آدلی مقاله ده اوخویوروق: ایران تبعه لریندن عبارت توپ و تفنگله سیلاح انمیش دسته آغداما گئلدی .آغدامدان یوز نفر شوشایا گئله رک خبر وئردیلر کی ،ایرانلی قارداشلاری اونلارا سورسات گئتیرمیش و قیش گونونده مسلما نلارا کمک ائتمک اوچون آغداما گئلمیشلر. بیر نئچه گون حورمت گورن لر(ایران تورک لری.ب.حقی) لر بیلدیردیلر کی بیز بورایا آش-پلو یئمه یه گئلمه میشیک بیزیم مقصدیمیز مسلمان قارداشلاریمیزی ارمنی قولدورلاریندان مدافعه ائتمکدیر.ایراننان گئلن آتلی لارلا بیرلیکده قاراباغ ایگیدلری آران زمین و پیرجمال کندلری نین اوزه رینه هجوم ائتدیلر. اونلار گولله لری چوخ قناعتله ایشله ده رک چوخ ارمنی لری خنجر و قیلینجلا ئولدوردولر. هجوم باشا چاتدیقدان سونرا ئوز اولکه لرینه قاییتدیلار. بونلاردان علاوه ایراندا یاشایان آذربایجان تورک لری اردبیل دن،رشت دن مشهد خراسان تورک لری اون و پول و سایره یاردیندان دا اسیرگه میرلر همان منبع ص.93-97)

مدنی دیره نیش و ساواشیمیزنشان وئریر کی بوگون دونیا آذربایجانلی لاری دشمنلرین یاراتدیغی دار دوشونجه لردن قورتولماقدادیرلار. ملی هم رای لیقلا بوگون روس امپریاسی نین وفارس-ایران تروریست لری نین اویونجا غی اولان اشغالچی ارمنی لرین یاراتدیقلاری خوجالی سوی قیریمینا و قاراباغ تجاوزونه اعتنا سیز قالماییب و آراسی کسیلمز صورتده عدالتین بر پا اولماسینی ایسته ییر. آیدین دیرکی بو حاقسیزلیقلاری درک ائتمه یه شرایط یارادان ملی شعورون یوکسه لیشی و دونیا آذربایجانلی لارینی بیرلشدیرن بوتووآذربایجان ایده یاسی دیر.

بونلار نشان وئریر کی واحد اورگانیزم کیمی اولان تورک ملتی نین هر هانسی بیر عضوی درده دوشورسه بوتون اورگانیزم مدافعه یه قالخماقی اوزو اوچون ملی بورج بیلیر.

«هر یئرده بیرلیک وار اوردا دیرلیک وار » کیمی سوزو یارادان آتا –بابالاریمیز بیر ملتین سونسوزلوغا قووشماسینی و باریش و مدنییت کشیینده دورماسینی یالنیز ملی بیرلیک ده و هم رای لیکده گورموشدورلر.

اون سگکیزینجی یوز ئیلده روس امپریاسی نین اشغالچی یوروش لری یالنیز آذربایجان تورکونون بیرلییی وملی ساواشی ایله دفع اولوب و اشغالا معروض قالان تورپاقلار آزاد اولدولار. روس امپریاسی 13ئیل لیک آغیر محاربه دن سونرا 1813-1803و1828-1826 سونرا بوتوو آذربابایجانین قوزه یینی اشغال ائتمه گه قادر اولموشدور.بو روسلار اوچون هئچ ده آسان اولمامیشدیر. وطنیمیزین قوزه ی حصه سینده جاوادخان و گونئی یینده تورک قاجار لارین قهرمان اوغلی ،تبریز ولیعهدی عباس میرزانین مبارزه سی روس امپریاسی نین راخات بئله سو ایچمک آرزیسینی گوزونده قویموش ایدی.روس قوشونلاری نین باشچیسی سیسیانووون باکی دا ئولدورولمه سی و باشی نین تبریز ولیعهدی عابباس میرزایا گونده ریلمه سی بوتوو آذربایجان ایده یاسی نین بارز نمونه سی اولا بیلیر.

حورمتلی سوی داشلاریم

کئچمیشین افتخاراتی ایله یاشاماق اولماز.ملتی اوغورلو گئله جه یینه چاتدیرماق اوچون دیلده ،فیکیرده ایشده بیرلیک یاراتماق مجبورییتینده ایک.

ملی دوشونجه وملی کیملییی کوتسال سایان باش بیلن لریمیز ائله بو سببلره گوره دشمنلره قویروق بولایان مانقورت لاری دشمن بالتاسی نین ساپی کیمی نظرده آلاراق دئمیشدیرلر:

بیر وطنی،بیر ائلی تارمار ائلیر

منه نه وار لار

وطن سن سن ، وطن –منم

وطن بیز.

دامارلاریمیزدا دولاشان قان بیر قان دیر.بوگون بیر اوووج ارمنی اشغالچی لارینین اسارتینده قالان قیز و اوغلانلاریمیز دردی بیزیم دردیمیز دیر. اسلام آدی آلتیندا فارس شووینیزمین واختی کئچمیش خولییاسینی یاشاتماغا چالیشان عرقیچیلارین الی ایله شهادته یئتیشن و بوتون انسان خقوقلاریندان محروم قالاراق تورکون شرفینی قوروماقی هر زاددان اوستون دوتان سیاسی محبوسلارین ایستک و آرزیسی بیزیم آرزوموزدور.

ملی شعور،ملی وجدان و وطن اخلاقینا ال تاپماق آرزوسو نو رئال لاشدیرماق و اوغورلو نتیجه لره چاتماق یالی والنیز هر بیر آذربایجان تورکونون گون مسئولییتینی باشا دوشمک دیر.بومسئولییت بیزی تاریخی دشمنلریمیزی داهی دا دریندن تانیماقا،اونلارین فلینه اویماماغا و نهایت اوزوموزه قاییتماغا چاغیریر.

بو ضرورتی باشا دوشن و ملی کولتورلا بویوین انسان ضیا گوی آلپ ایله بیر نظره چاتیب ایناناجاقدیر کی:«ملی کولتور کونلوموزون ان یوکسک لییینده یئر توتمالی دیر

بیزیم اوچون دونیا گوزه لی ملی کولتوروموزون گوزه ل لییییندن عبارت دیر.

حورمتلی سوی داشلاریم !

درین سئوگی و سایقی لاریملا سیزی باغریما باسیب بوتوو آذربایجان ایده یاسی و هم رای لیغی ایله یاشاییب ،یاراتماغی ئوزومه شرف ساییرام.

کولگه لی آغاجیمیز کسیلمه سین

اورمان لاریمیز سیره لمه سین

چاغلاییب آخان سولاریمیز قوروماسین

قانادیمیز قیریلماسین

ملی اوجاغیمیز یانار دورسون

چراغیمیز هئچ واخت سونمه سین.

آلمانیا. کلن

2007 .12. 29

Almaniya, Köln.

Gölgeli ağacımızkesilmesin

Ormanlarımız seyrelmesin,

Çağlayıp akan sularımız kurumassın,

Ümidimiz üzülmesin,

Kanatlarımız kırılmasın,

Ocağımızyanar dursun,

Çerağımız heç vakit sönmesin,.

Aziz değerli önderlerimiz .Beni dinlediqiniz için en içten derin sevqi sayqılarımla selamlıyorum.sağlığınızı dilerim. Teşekür ederim

اوره یینده تورک بیر لیینی داشییان و اونوبیر ساغلام توخوم کیمی تاریخ تارلاسیندا سپه ن ضیا گوی آلپ ان بارلی و دادلی میوه سینی دره بیلدی. قودوز ایت لر ین محاصره سینه دوشن تورکیه، ضیائ گوی آلپ مکتبیدن غیدالانان آتا تورکون پولاد اراده و تورک سئوگی سینین اعجاز کار گوجی ایله آزاد اولوب بوگونکی گئلیشمیش ، مدرن و انسان حقوقلارینا سایقی گوسته رن و قلم ، دین ، وجدان آزادلیغینا اینانان ، انسان اعدامینی، داشقالاق ائتمه سینی بشرییت اوچون ننگ سایان چاغداش بیراولکه اولماق شانسینی اله گئتیردی.آتا تورک ، تورکچولویو «تورکو سئومک آنلامیندا» بیلن «ضیا گوی آلپ» حاققیندا دیییردی:

اتیمین و سومویومون آتاسی علی رضا افندی دیرسه فیکریمین آتاسی ضیا گوی آلپ دیر.

Elin başbılənləri,dünyanın isti-suyuqunu gürüb,və milli mucadilənin daş-çanqilli yollarında boya-başa çatmıç öndərlərimiz tarixi yanlışlardan dərs alaraq ə millətimizı həmrəylikə ,soykökünə, özünə qayitmağa çağirblar.türklüğün bütün bir varlık olarak acısı,sevgisi, mutluğu bir olmalıdır. tarıxın səsi olan həmrəylik çağırışı dünya mədəniyyətində milli varliğni qorumaqa qadir olmaqla yanaşi öz dəst-xətti ilə tinilan Azərbaycan türkenü dırənışə,haq süzünü dünyaya çatdirmaq dir. Milli topraqlarimizi ,zəngin kültür və milli kimliyimizi tarixi düşmənlərimizdən qorumaqdir .

دیلیم بیر طرفده دوشوب زندانا

خلقیم ده ذولم دن گئلیبدور جانا

گاه کیریل،گاه لاتین گئلیر میدانا

بو ایشده دشمن لر گئلیر جو ولانا

ərməni bir yanda orus bir yanda

Damarlarımızda dolaşan kan aynı kandır. Yaşıyalım, yaşatalım. Bu şuur içinde türk milletlerınin istikrarına,refahına yürekten inanmak biyim için şeref olmali.