|
|
|
ميللتچي کيمدير؟ هر کيم "من ميللتچييم" دئسه اينانماليييقمي؟
هر حرکت کوتله ايچينه يئتيشمهيينجه و اوغورا ياخينلاشمايينجا اونو منيمسهليين آز اولار. آنجاق چوخ چکمز کي چوخلاري اوزلرين او حرکته قاتماغا چاليشاللار و گوررسن دوننکي يابانچيلار بوگون اوزلرين هر زادا صاحيب بولوللر و باشلاييجي تانيدديريرلار. اوز ميللتيني دونن ساتانلار، بوگون اوزلرين ميللتچي آدلانديريب و "من ميللتچييم" دئمک ايستيرلر. آنجاق بو سؤزو دئمک چان هر کيمين بئينينه بير سورغو گلير: کيم ميللتچيدير و کيم يوخ؟
بو سورغويا جاواب وئرمک اوچون ميللتي تانيماق و ميللتچي ندير بيلمک لازيمدير. ميللتچي کيمدير؟ سورغوسونون جاوابيندا بئله دئمک اولار کي:
- ميللتچي اؤز ميللتيني تانييار.
- ميللتچي اؤز ميللتينين اوغوروندا چاليشار.
- ميللتچي آرمان و يوخوجوق داشاماز و اؤز مللتينين گئرچکلرين اينانار و اونلاري اساس گوتورر.
- ميللتچي باشقا ميللتلره اوغور اساسيندا داورانار و دوست، دوشمنی اوغور اساسيندا سئچر.
- ميللتچي اؤز ميللتينين گوستريجيسي اولاراق شخصي باخيمدان شخيص بير آدام اولار.
- ميللتچي اؤزونو اؤلچو گؤتورمز و اؤز ميللتينين چوخلوقونو نظره آلاراق اونون طالعينه چاليشار.
- ميللتچي شخصي ياشاييشيندا اونملي بير آدام اولار.
- ميللتچي باشقا کيمسهلرايله اولان اؤز ايلگيلرينه ديققت ائدر و هر کيم-ايله ايلگي قورماز.
- ميللتچي اؤز اؤزگورلوغون تام ساحهلرده ساخلار و باشقا حرکتلر و جريانلارا قاتيلماز.
- ميللتچي ائلينين سسي اولار و ائلينين دردين سويلر و ائلينين دردينه چارا آختارار.
- ميللتچي باشقا ميللتچيلرله قارداشليق قورار و اونلارلا احترامايله داورانار.
- ميللتچي اؤز اوغورونو ميللتينين اوغورو ايله برابر بيلر و اؤز اوغورونو ميللتين اوغورونون قارشيسيندا آختارماز.
- ميللتچي اؤز ميللتينين دوشمنلرين تانييار و اونلارين اوغوروندا چاليشماز و اونلاري اؤز ميللتينه تانيدديرار.
- ميللتچی کيفير اخلاقلی اولماز، تمهت وروجو، يالانچی، يامانچی، سؤيوشجو اولماز.
- ميللتچی اؤز ميللتينين خستهليکلرين تاريخ بويوندا آختارار و اونلارين درمانينا چاليشار.
- ميللتچی اؤز ميللتينين اوشاغين، جاوانين، قوجاسين، کيشيسين، قادينين، ايشچیسين، زيياليسين، کوتلهسين، پوللوسون، پولسوزون، ساتقينين، .... تانيماليدير و اونلارين اوغروندا چاليشماليدير.
- ميللتچی اؤزونو ميللتين يالنيز بير عسگری بولمهليدير و اؤزونه بير نفرجه فيکرينده يئر وئرمهليدير.
- ميللتچی تعصبدان اوزاق گزمهليدير و ميللتينی پيس و ياخچیسينی ائلهکی واردير تانيماليدير.
- ...
آنجاق چوخلارين گوروروک کي اوزلرين ميللتچي آدلانديريب آنجاق اؤز ميللتيني تانيمييرلار و اونون اوغوروندان باش چاخاتماييب و چوخ واقتلار اؤز ميللتينين دوشمانلارينين اوغوروندا و يولونودا چاليشير و اونلارلا ايشبيرليگي آپاريرلار!
گلين بير آز گئرچکجهسينه دانيشاق. چوخلاري ايچيميزده وارديلار کي تورک ميللتيني تانيميييلار، آنجاق اوزلرين تورک ميللتچيسي آدلانديريلار. چوخلاري هله آذربايجان ميللتي يوخسا تورک ميللتينين اولماسيندا موباحيثه آپاريرلار و بولموللر کي ميللتي تانيمادان اونون اوغورونو تانيماک و اونون يولوندا چاليشماک مومکون ديير و چوخ واقتلار دوشمانين اوغروندا چاليشماقدير.
بيز اولجه تورک ميللتينی تانيماليييق، سونرا ايراندا ياشييان تورک ميللتينين بير پارچاسي اولان تورک ميللتی تانيماليييق و اونون آلت قروپلارين تانيمالييق. بونلاري تانيمادان اونجه، ميللتچيليکدن دانيشماق يانليش اولا بولر.
اينديکي ايران* سينيرلاريندا ياشايان تورک ميللتي هامميسي موسلمان، چوخو شيعهدير، و بئلنچي اوزلليکلري واردير. هر ميللتچي بو اوزلليکلري گوز اونونه آلاراق اوز ميللتينه فيکيرلشمهليدير و ميللتينين اوغورونو بو اوزلليکلردن آيري گورمهمهليدير.
ايران-دا ياشايان تورک ميللتينين اوغورو اوزگور اولماکداديرمي؟ بوتؤو آذربايجانداديرمي؟ تورک دونياسينداديرمي؟ و بئلنچي سورغولارا جاواب وئرمک اوچون تورک ميللتيني و اونون اوغورونو تانيماق گرکليدير.
منجه، بيز اينديکي دورمدا ايران سينيرلارين اساس گوتورمهليييک. نييهکي دونيا هلهليک بيزي اؤزگورجهسينه تانيمييير کي هئچ، گوزئي آذربايجان و تورکيه-ده هلهليک بيزي بير اونملي گوج سايمير. بيز ايران سينيرلاريندا ياشاييريک. بو سينيرلاردا چوخلو ميللتلر ياشايير: تورک، فارس، کورد، بلوچ، عرب، گيليگ، لر، تورکمن و .... تورک ميللتي بو ميللتلرين بيريدير. ايران-دا تورک ميللتينين بير پارچاسي ياشايير و بو ميللتين اوغورو باشقا اولکهلرده ياشايان تورک ميللتيندن آيري دهيير و عراق-دا، تورکيه-ده، گوزئي آذربايجان-دا ياشايان تورک ميللتي بو ميللتين بير پارچاسي ساييلير. ايران-دا ياشايان تورک ميللتي اولجه اوزونو تانيماليدير. کئچميشي ندير؟ ايران اولکهسينين هارالاريندا ياشايير؟ و بئلنجي سورغولارا جاواب وئرمک گرکليدير. تورک ميللتي اوزونو تانيياندان سونرا، تورک ميللتچيسي گرک ايکي يونلو باخيش ايله هم آذربايجان، تورکيه، و عراق تورک لريله ايلگی گورسون، و هم ايران-دا ياشايان تورک-لره و بيلمهليدير کي بو آيري دوشموش ميللتين اوغورو بيردير آنجاق هرهسي اوزونه گوره خاص اوزلليکلره صاحيب اولماغينا گوره، اوزل ايستراتئژيلره صاحيب اولماليديلار.
هر کيم کي ميللتي و ميللتچيني بو چرچيوهده تانيماسا ميللتچي اونا دئمک مومکون دهيير و منجه دوشمنچي اونا دئمک ياراشار. تورک دونياسي مفکورهسينده فيکرلشن و تورک ميللتيني، تورکمن، اوزبک، قازاق، قيرقيز و باشقالارينا قاتان کيمسهلر منجه تاريخي دوشونمهييب و يانليشجاسينا بونلاري بير ميللت سانيللار. بير آز تاريخه ديققت ائلهسک آيدينجاسينا تورک ميللتيني اينديکی ايران، تورکيه، آذربايجان، و عراق اولکهلرينه حسر ائلهمک اولار و باشقالاري تورک سويلو اولسالاردا، باشقا ميللتلره باغليديرلار. ايران-دا ياشايان تورک ميللتي آذربايجان، شيراز، کيرمان، کيرمانشاه، ايصفاهان، خوراسان، گيلان، سيمنان، قوم و باشقا تورپاقلاردا ياشاييرلار و هئچ کيمسهنين حاققي يوخدور تورپاق اساسيندا تورک ميللتيني تعريف ائلسين. نئجهکي عرب ميللتي هئچ زامان اوزونو عربستان، بحرين، کويت، امارات، عمان، و باشقا ميللتلره بولمور، و يا کورد ميللتي اوزونو خوراسان، کورديستان، کيرمانشاه، قورقان، عراق، سوريه کورد ميللتلرينه بولمور، بيز تورک-لرده حاققيميز يوخدود اوزوموزو تورکيه، آذربايجان، عراق، ايران تورک ميللتينه بولک و حاققيمز يوخدور اوزوموزو گونئي آذربايجان، خوراسان، کيرمان، کيرمانشاه، قاشقايي، و باشقا ميللتلره بولک.
نظرده آلمالييک کي پان فارسلار و پان ايرانليلار بيليللر کي بو اولکهده اونلارين يئري يوخدور و تورک-لر بو اولکهنين باشا-باشيندا ياييليب. اونلار بو اولکهني پارچالاماق ايستييرلر کي اؤزلرينه پاي گوتورسونلر. بيز بونلارين بويکون باشيميزا قويمامالييق و بو اولکهنين بير وجب تورپاغينيدا اونلارا پاي وئرمهمهلييک. بو اولکه شامانلار اولکهسيدير، بو اولکه تورکلرين ان قديم کولتورونون بئشيکيدير. تورکون کولتو بو اولکهدهدير. کولتوموز و کوکوموزو تانيماق ايستهسک بو اولکهنين باشا-باشينا و بو اولکهنين تام تورپاقلارينا باش چکمهلييک. اوزوموزو آذربايجان تورپاغينا سيخمامالييک و کيرماني قيلينجيميزين پاسين سيليب اوز يئني باشقانليغيمزي اله آلمالييق.
*آنجاق بوردا بير يانليشليق اولور. ايران آدی بيزيم هئچ بيريميزی ماراقلانديرمير. ايران آدی هاردان گليب؟ تورک سؤزودور؟ موغول (مغول) سؤزودور؟ فارس سؤزودور؟ ايران آدينی آچيقلاماق لازيمدير. بو آد تورک سؤزو اولماسا و کئچميشده بو اولکهنين آدی اولماسا بيز بو آدين يئرينه باشقا بير آد ايشلتمهلييک و هئژئمونی يارادمالييک. نئچه گون بوندان قاباق اينترنت اؤزينده بير خريطه تاپديم کی "ممالک ايران" اوستونده يازيلميشدير و بير تورک الیايله چکيلميشدير؟! آنجاق اوردا اينديکی ايران سينيرلارين اؤز ايچينه آليردير. خوراسان، آذربايجان، کيرمان و ... بو خريطهده ايران سينيرلارينين ايچينده يئرلشيرديلر. بو خريطهنين چکيم تاريخی 1729-ودو و 276 ايل قاباغين خريطهسيردير. بو خريطه يازييا باغلانيب و سيزين نظرينيره بيلمک ايستييرم.
http://www.library.yale.edu/MapColl/pers1729.gif
alireza farshi <farshi76@yahoo.com>
|
|
|
Materiallardan istifadə zamanı qaynağa istinad
vacibdir استفاده از مطالب با ذکر منبع بلامانع است www.durna.info | eldeniz@yahoo.com |
