اؤز دیلیمیزده یازمالی ییق

بیز نه زامان ائیلیه بیله ریک اؤز وارلیغیمیزا ال تاپیب و اونا صاحاب اولاق؟
بیز نه زامان ائیلیه بیله ریک اؤز آنا دیلیمیزه گؤره نه رک اونا صاحاب اولوب و اونونلا یاناشاق؟
بیزیم آنا دیلیمیز نه زامان گرک ایشله نسین؟
حورمتلی اوحوجولار بو یازی نی یازمادان ایسته ییره م بیر بالاجا نوکته نی عزیز وطنداشلاریما و دیلداشلاریما خاطیرلایام و او دا اؤز آنا دیلیمیزده یازیب ، اوخوماق دیر.
بیز آذربایجانلی لارین آنا دیلیمیز آذربایجان تورکجه سی اولاراق ، نه دن بیز ، اؤز یازیلاریمیزی ، باشقا دیللرده یازیب و اونلاری یایینلاییریق؟
گئچمیش گونلرده نئچه یازی ، حورمتلی آذربایجانلی چالیشقنلاردان اینترنت ساحه سینده یایینلاندی ، بو یازیلارین ایچه ری سؤزلری له ایشیم اولمایاراق ، او یازی لارین یازیلیش ذیلی منی چوخ کدرلندیردی. بیر سیرا یازیلار ، کی اونلاردا بیزیم چالیشقانلاریمیزین اؤز آراسیندا بیر پارا یؤزلر اوتای بوتای اولور ، بونلار ندن گرک فارس دیلینذه یازیلسین؟
اصلن ایسته میره م آد آپارام و او عزیز یازیچی لاردان آد چکمیش اولام. بو عزیز یازارلار ، شاید آذربایجان تورکجه سینده یازماضدا مندن ده بش اولسونلار ، آما بو مسئله یه ده دیققت ائتمه لی دیرلر کی او مسئله لر کی آذربایجانلی چالیشقانلارین آراسیندا یازیلیر و یاییلیر ، بونلار گرک اؤز آنا دیلیمیزده یازیلسین.
او یازیلار کی ، بیز ایسته ییریک باشقا میللت لر ده اونلاری اوخوسونلار ، فارس دیلینده و یا باشقا دیللرده اولماقی هئچ ایشکالی یوخدور ، آما بو یازلار کی اونلاردا ، ایسته ییریک آذربایجانلی چالیشقانلاردان و تشکیلات لاردان تنقید ائده ک ، بو یازیلارین فارس دیلینده اولماقی ، دوزگون ایش اولا بیلمز. البت ایر بو یازیلار بیزیم اؤز ایچیمیزده اولمالی اولسالار ، دوزگون ایش دئییل ، یوخسا ایر ایسته ییریک باشقالاری دا بیزیم آرامیزدا اولان ایختیلاف لار و سؤزلردن باش چیخارتسینلار ، بو باشقا مسئله دیر.
اگر تنقیدی یازی لار بیزیم اؤز آرامیزدا اولمالی دیر ، گرک اؤز دیلیمیزده یازیلسینلار و بئله لیکله ، میللتیمیزین چوخلی دوشمنلری ائیلیه بیلمزلر بو یازی لاری اوخویوب و اونلاردان سو ایستیفاده ائیله سینلر. البت بو میللتی سئومه یه ن لری نین هامی سینین الیندن چیخماز ، آما چوخلاری داها اونلارا ال تاپا بیلمزلر.
بو مسئله نی باشقا میللیت لر ده چوخدان آنلاییب و اونو گؤزلتدیییرلر. ایندیسه سیز تاپا بیلمه سیز (یا دا چوخ چه تین تاپا بیلرسیز) کوردلرین آراسیندا اولان ایختیلافلی سؤزلری ، فارس دیلینده یازیلسین ، و هامی سی اؤز دیللرینده یازیلیر و بئله لیکله چوخلاری اونلارین آراسیندا اولان سؤزلردن حبری اولمور.
ایندیسه ایسته ییره م بوتون آذربایجانلی چالیشقانلاردان ایسته ییم ، اؤز آرامیزدا اولان سؤزلری ، تنقیدلری ، داها گوجلو ، اؤز دیلیمیزده یازیب یایینلاسینلار.

یاشاسین آذربایجان
یاشاسین آذربایجانین دیلینی قورویانلار

«تورک ائلی» 1385اینجی گونش ایلینین زومار آیی نین بیرینجی گونو

http://urmu.birolmali.com/?p=320

 Materiallardan istifadə zamanı qaynağa istinad vacibdir
استفاده از مطالب دورنا با ذكر منبع بلامانع است
www.durna.info | durna@durna.se