من یالنیز سؤزده تورک اولان مهرعلیزاده یه رأی وئرمه یه جم!
بیز هارا گئدیریک...، یوخ باغیشلایین بیزی هارا آپاریرلار؟!!
دوکتور جواد هئیت جنابلارینین مهندس مهرعلیزاده نین پرزدنتلییه سئچیلمه سی موناسیبتیله حیمایت ساوی یایینلانارکن دوغروسو حیرته دالدیم. البته سیاست دئدییین عالمده چوخ شئیلر اولا بیلر. بو نه ایلکینیدیر نه ده سونو اولاجاق.
منی چوخ حیرته سالان میلتیمیزله آیدینلاریمیزین آراسیندا اولان بؤیوک فاصیله دیر. بوتون آدایلار مهرعلیزاده ده اونلارین ایچینده اولماقلا برابر اؤزلرینی تبلیغ ائتمک اوچون آذربایجانین هر هانسی شهر و بؤلگه سینه گئتدیلرسه یوزلرجه دینله ییجی نین اعتراضی ایله اوز به اواولدولار. دانیشیقلاری یاریمچیق قالدی و مایوس قاییتدیلار. یقین کی سئچکیلر مسئله سینی ایزله ینلر بونلاری دقیقلیی ایله بیلیرلر.
مهرعلیزاده شورای نگهبان فیتلریندن کئچه بیلدییی اوچون اونون کیم اولدوغو لاپ آچیق بیلله نیر. بو شخص تکجه آذربایجاندا تبلیغات آپارمیش و ایران قزته لرینین یازدیغینا گؤره آذربایجاندان باشقا یئرلرده تبلیغات آپارماغا مادی گوجو چاتمامیشدیر! بللی اولدوغو بو شخص تکی آذربایہ'c7نین سسینی و رایینی ییغماق و رأی صاندیقلارینی دولدورماق اوچون اورتالیغا آتیلمیشدیر. بابکین آدینی چکمک بو گون او قدر ده راحات دئییل آما جناب مهرعلیزاده اؤزونو بابک و ستارخان آدلاری ایله تبلیغ ائدیر. هم عوام الناسی آلدادیر هم ده بو قهرمانلاری ایران حاکیمیتینه مال ائد740?ر!! بو مسئله لری چوخلو آذربایجان میلی حرکتی فعاللاری بیلیر و مهرعلیزاده نین آذربایجانا و میلتیمیزه باشقا فارس کاندیدالاریندان داها خطرلی اولدوغونو دئییر و باغیریرلار. گؤره سن بونو دوکتور هیئت جنابلاری دا بیلیرلر؟!
بیز هارا گئدیریک... یوخ باغیشلایین بیزی هارا آپاریرلار؟!
بیر مودت بوندان قاباق (ایران پرزدئنت سئچکیلری عرفه سینده آذربایجان میلیتی نین ایستکلری) آدیندا بیر بیلدیری یاییلدی. بو بیلدیری یاییلدیقدان سونرا اونو ایمضالایانلارین بعضیسی بیلدیرینی تنقید ائدیب و مسئله ایله باغلی بعضی چاتیشمازلیقلاردان سؤز آچدیلار. عu1740?نی حالدا بو بیلدیرینی آذربایجان میلی حرکیتی نین چوخلو تانینمیش و ساییلان فردلری ایمضالامامیش و اونونلا راضیلاشمامیشلار. بئلنچی بیر حالدا بو بیلدیری همین اعتراضلار، ایمضالارین گئری قایتاریلماسی و چوخلارینین نظرینی تأمین ائتمه دییینه گؤره (آذربایجان میتی نین ایستکلرینی) ایچینه آلا بیلمز. اولا بیلسین کی بعضیلری بو بیلدیریدن سئچکیلرده هانسی یوللاردا و هانسی اساسلاردا ایستیفاده اولوناجاغینی بیلسه یدیلر کؤکوندن بو بیلدیری یه ایمضا آتمازدیلار! ایندیسه اوستونده موناقیشه لی سؤزلر گئدن بیر بیلدیری مهرعلیزادPو بعضیلرینین آراسیندا موقاویله و آنلاشما سندی کیمی اورتالیقا آتیلیر.
حؤرمتلی دوکتور هیئت جنابلاری! آدایلارین ایچینده تکی مهرعلیزاده نین تورک اولدوغونو دئییب اونو تکی تورک اولدوغونا گؤره تبلیغ ائده بیلریک؟ بو میلت فارسدان چوخ ظولم گؤرموش یا مهرعلیزاده کیمی تورکلردن؟ سیز مهندس مهرعلیزاده نین صداقتینی هاردان بیلدینیز، بویورون بیز ده 'c8یلک؟ بونا هاردان اطمینان تاپدینیز؟ بو شخص کئچن 26 ایلده آذربایجانا هانسی خیدمتی ائله میش؟
جناب دوکتور هیئت سیز مهرعلیزاده و یا هر هانسی بیر آدایا رأی وئره بیلرسینیز، آما من ان آزیندان تکی سؤزده تورک اولان مهرعلیزاده یه رأی وئرمه یه جم!
قالا باریشماز