|
|
|
|
نه ايستييريک
جاويد قالخان
.بيزيم
يازيلاريميز ايللربؤيي، شعرلردن توتوپ ناغيللرا دک، ميللتيميزين جسارتلي
اولماقيندان دؤلودير ايجازه ورون بؤرکوموزي قاباقيميزا قويوپ و اوني قاضي ائدک . نجور اولورکي بو جوربوزه لي ميللت اينديه کيمين اؤز حققينه چاتماييپ . هاميميز بولوروک کي بو عالمده بيزدن خيرداجا ميللتلر ده موستقيل اولوپلار. دونيادا ايکي، اوچ، دؤرد ميليونلوق اهاليسي اؤلان دؤلتلرين سايي چؤخدور . بيز ۳۵ ميليون آذرباييجانلي ييک آمما اؤز اؤلکه ميزده اجنبي تکين ياشاييريق. اؤلا بيلسينکي بعضيلر فيکير ائديلرکي بئله دييل آمما اؤنلارکي ايراندان آيري مملکتلرده ياشاييپلار منيم سؤزومي تصديق ائديلر. بولورسونوزکي کيمسه خارجي مملکتده ياشاسا اؤز ائوينده تورکي دانيشيپ و ائشيکده،طلبه خانادا،ايش باشيندا قوناق گئدن مملکتين ديلينجه دانيشير. بيز دده باباميزين اؤلکسينده هامان ايشي گؤروروک کي اجنبي مملکتلرده گؤرمليوک. بس بيزيم بو تاريخده وادبيياتيميزدا يازيلان جسارتيميز هاردا هدر گئدير. بو سوالي هر بيريميز گرک اؤزوننن سوروشا
بو بير مسئله دئييلکي ائليه بيلک
ساباها قوياق. اگر بوگونه جان بيزيم ديلميز
آرادان گئتمييپ و
زنگينليين ساخلاييپ بير طرفدن اؤنا گؤره ديکي قديم زامانلاردا
بيزيم اؤلکه ميزده چوخلي
آذربايجانلي وطن داشلاريميز يازيب و اؤخوماق اؤرگنميرديلر
و فارس ديلينين تهلوکه
سيندن آماندا قاليرديلار، ايکينجي طرفدن اؤ زامانلاردا
رابيطه واسيطه لري چؤخ
آزيدي و گونده بير آز ساعات فارس ديلينن ايشيمز واريدير، بو
گونلرده فارس ديلي
راديو،تلويزيون ومطبوعات واسيطه سيله بيزيم ديليميزين آرادان
گئتماقيني يئيينلشديرير
هر کيمسه آذربايجان ديلينه اورئگي
يانير گئج اؤلماميشدان قاباق بو مسئله ني
جيددي توتوپ و اؤز اليندن
گئلديييني بوراخماسين. هاواختاجان من ائله ائلرم من بئله
ائلرم دئييپ و اؤزوموزو
تؤلاياجاييق. واقتي يتيشيپ کي دئيک من تک جانيما و حتتي بير
آز همفيکيرلريمينن بو
وضعيتي چؤندره بيلمئرم. بو بويوک يوکي هامي آذربايجانليلار
گرک چينينه گؤتوروپ و يؤلا
يئتيرسينلر
يالنيز يول اؤديکي زورلاريميزي
بير يئره ييغاق. آمما زورلاري بيرلشديرمک بس
دئيل، گرک بو زورلاردان
دوز ايستيفاده ائتمک يؤللاريني دا اؤيرنمک. نظارت اولماميش
زورلار داغيتماق اوچون
ياخشيدي، آمما دوزتماق اوچون موتشککيل زورلار لازيمدير.
بيزيم ميللتيميز موتشککيل
زورلارا احتياجي وار. گلون فردي ايستديکلريميزي بو
زاماندا اونوداق و هامي
زورلاري نئچه نؤقطه نون دؤره سينده بيرلشديرک
اگر يولوموزو تانيياق هئچ بير
کيمسه بيزي يولوموزدان اوزاقلانديرامماز. عکسينه
اگر يولي تانيمياق و گؤزي
باغلي بونون يا اؤنون داليسينا دوشک مومکون دي کي بيزي
بيراهييه آپارسينلار.
تانينميش يولدا هامي وطنداشلاريميزين زورلارينا احتياجيميز
وار. اؤنا اوچون بو مرحلده
بيز گرک سؤزي قضاوت ائدک نه اؤکي بو سؤزي دئييل.
آذرباييجانليلارين آزادليق
حرکتينين دوشمنلرينه چؤخ راحت بير ايشدي کي اؤزلريني
بيزيم يولداشيميز
گؤسترسينلر و بيزيم واقعي يولداشلاريميزي تاپدالاسينلار
بس نجور دؤستي دوشمندن تا نياق؟
سياستده بيزيم دؤستوموز اؤ دئيل کي بيزينن چاي
ايچير و قليان چکير، اؤ
دئيل کي بيزه فردي ايمتياز وعده وئرير، اؤ دئيل کي ايستيير
هاميني آبريسيز ائيلييپ و
ميداندان چيخارسين، اؤ دئيل کي بيزي اؤز ياخين
همسايالاريميزينان
ووروشدورور. هرکيمسه اصل مطلبي بوراخيپ فردلرين قضاوتينه و
آدقؤيماغينا باش قؤشور
بيزي اؤز يؤلوموزذان اوزاقلاتماق خيالي وار
.عکسينه
دؤستوموز اؤدوکي بيز ايستدييميزي ايستيير و بيزگئدن يؤلا گئدنلرين
هاميسينين مووففقيتيني
آرزو ائدير
بيز گؤردوک کي اؤز اؤلکميزده
اجنبي کيمين ياشاييريق، گؤردوک کي ديليميزين آرادان
گئتميي يئيينلشير، تامام
قووه لريميزين بيرلشديرمينين ضروريتيني گؤردوک و جهد
ائله ديک دوست دوشمني
تانيياق
.ايندي
گؤرک بيز نه ايستييريک، بو سوالي هر فرد گرک اؤزوندن اوجا سسينن
سؤروشسون
:
اگر هامي سؤزلري کي
آذربايجانليلاردان ائشيتيريک بير يئره ييغاق و آراشديراق
بونتيجيه يئتيشيريک
يازيپ اؤخوماقيميز و تحصيليميز
تورکي ديلينده اولسون؛-
فئدرال حوکومت تشکيل وئرک(جعفر
پيشه وري زاماني کيمين)؛-
موستقيل گونئي آذربايجان دولتي
تشکيل وريپ وقوزئي آذربايجانيلا فئدرال صورتينده
بيرلشک؛-
گونئي و قوزئي آذربايجاني
بيرلشديريپ و بير واحيد حوکومت قوراق؛-
گون کيمين آيدينديکي يازيپ
اؤخوماق و تورکديلينده تحصيل ائتمک اوچون يئرلي
حاکيمييت لازيم دير. اگر
يئرلي اهالي اؤز ايشلرينده همچينين ديل مسئله سينده اللري
يوز فائيز آچيق اؤلماسا
هئچ واقت بيزيم ديليميزي و هوييتيميزي خيلاص ائده بيلمزلر.
بس ايلک سئچمه ني يئرلي
موستقيل تشکيلات سيز يئره يئتيرمک اؤلماز.
لاکين گؤروروک کي بيزيم يؤلا
دوشمه ميز، ايکينجي سئچمه دن ياني، فئدرال حوکومت
تشکيل وئرمکدن باشلايير.
مگر اينکه چؤخ تلسيک وضعييت بيزي بيرباشا اؤچونجي يا
دؤردونجي سئچمه يه آتا.
البته يؤلا دوشمه نؤقطه سي هامي آذرباييجانليلاري يگانه
ائتمک اوچون لازيم دير
آمما گلجک حاکيمييت فؤرماسي خالقين آزادليقينان سئچيلميش
هيئتلرين بؤرجو دير
جاويد قالخان
|
|
|
|
Materiallardan istifadə zamanı qaynağa istinad
vacibdir استفاده از مطالب دورنا با ذكر منبع بلامانع است |