|
"آذربايجان دانيشير!" موجود وضع دن زارا گلميش 200-دن آرتيق آذربايجانلي آيديني ٧ تير 1382 تاريخينده بير يازي، آذربايجان دانيشير آدي ايله بوراخيبلار. منجه بو يازينين اؤنمي گئچميشده يازيلميش آچيق مكتوبلاردان اون قات آرتيقدير؛ نيه كي داخيلده حاكيم اولان چتينليكلره باخماياراق يازيدا گلن ايستكلر چوخ مترقي ايستكلرديلر: بو فعاللار اؤز ايستكلرينده فردي-اجتماعي آزادليقلارين تضمينيني او جمله دن تحصن، ييغينجاق، تظاهرات و اعتصاب حاقلاريني طلب ائده ره ك، آزاد و دموكراتيك سئچگيلردن مدافعه ائديرلر. يازيدا قادين حاقلاريدا آچيق شكيلده حمايه اولونور. اينديه كيمي آذربايجانلي فعاللاري طرفيندن يازيلان مكتوبلار آراسيندا بو بيرينجي دفعه دير كي فدراليسم ايده سي آچيق-آشكار مدافعه اولونور. آذربايجان دانيشير مانيفستي، جنوبدا ياشايان بؤيوك بير حسسه ضييالينين فورمالاشميش ايستكلريني بيان ائدير. شبهه سيز بو تكين فورمالاشميش فيكيرلر يئني تشكيلاتلارين يارنماسيندا بؤيوك رول اويناياجاقلار. بوگون آذربايجان خالقي آيي يوخوسوندان اوياناراق، ان مترقي ايستكلري طلب ائدير. گونئي آذربايجان ملي حركاتي گئدير كي ايران خالقلارينين قورتولوش مبارزه سينده رهبر رول اويناسين! بونو هم دوست بيلير هم ده دوشمن٭ 2003-06-30 |