گله جک بیزیمدیر

                                                 (  قورتولوش شهیدلرینین خاطره سینه اتحاف)

تاریخدن سیلینمز بابک قانیدیر

آزادلیق یولوندا تؤکولور بو گون

آسلانلار باغیریر من تورکم هارای

ظولمون قورقوسودور سؤکولور بو گون

تورک ائلینین هاراییله  گوجویله

قورتولوش هاواسی اسیر وطنده

آپارتایدین  شووونیزمین کؤکونو

میللتین  یوروشو  کسیر وطنده

اؤلدو واردیر دوندو یوخدور بو یولدا

گله جک بیزیمدیر  بیزیمدیر ظفر

قریلان زنجیردیر ییخیلان زیندان

باتان قارانلیقدیر  آچیلان  سحر

اوزو قانلی باشی اوجا بابکلر

آزادلیق یازینین مژده سین وئریر

یارالی قوینوندا آنا تورپاغین

شرف بایراغیدیر  نسیمله اسیر

شهیدلرین خاطره سی سیلینمز

ساوالان دوردوقجا یاشایاجاقدیر

اؤزگورلوگون یئنیلمه ین سئوگیسی

سولماییب سؤنمه ییب هپ قالاجاقدیر

                                                                         اسماعیل جمیلی

"Əzəldən əbədə"

Əzəm Əfrüzə

Abama xörək gərək,

aman Allah, günahı apamdadır..

Torpağa quyulandım sağ,

aman Allah, günahı apamdadır..

Sellərə köçdüm gəlin,

aman Allah, günahı apamdadır..

Xırda yaşda anayam,

aman Allah, günahı apamdadır..

Harəmdə yüzbaşıyam,

aman Allah, günahı apamdadır..

Eşqi satdım babiliyə,

aman Allah, günahı apamdadır..

Məzarımda peşnamaz abamdırsa,

Yandım Allah, yenə suç apamdadır..

باخیشین

باخیشین اووچو الیندن قاچان

            گویرچینین باخیشینا بنزیردی.

گولوشلرینده آجی حسرتین

           ایزلرینی توتوب ایبهاملارین

 ایهاملارین یوردونداکوکلرینی گوروردوک

آمول دانیشییغیندا

    کوراوغلو  نعرسی

                  بابک سسی

                          دویولوردو.

دیلینده هئپ آذربایجان سوزو

          کونلونده ائل سئوگیسی

           بئینینده تورک دونیاسینین

                              اولو خریته سی

 یاراسالاری هورکودن

                دوشونجه لر

 اوزون گئدسنده

  دوشونجه لرین  یاشاییر

چون بو دوشونجه لر اولودور

        تورک دونیاسی بویونجا.

آذربایجانین خلف اوغلو سهند افشارینین آری روحونا

ایتحاف اولونور. یولو دواملی اولسون.

          باهادیر قدری(اوشارلی)            2006/3/13  

جوزلریم سن نن یازیپ دی

گؤزه للیگین آدی قادین

مین ایللرین  آخیشیندا

درین دردی   انسانلیغین  اوز قاراسی

قورخو دولو اینانجلارین باخیشیندا

آجیلاری  تاریخین  آچیق یاراسی

یاشامین  ایره لیشی

دونیانین  یاریسی قادین

یارانیشین اینجه ایشی

گؤزه للیک  تانریسی قادین .

قارا گونلر قامچیسیله

ایره نج دیاز یاسالارین اوراغیله

نوختا قیران هوسلرین

کوف قاپسایان یازیلارین یاراغیله

قول بازاریندا اوجوز آلینان

سویولان دریسی قادین

جنّتلرین باها ساتیلان

اویدورما پریسی قادین .

بوش سؤزجوکلر بوکویونده بوکولن

سؤمورگه نین جایناغیندا سؤکولن

جانیندان جانلار بؤلن

تانریلارلا دوران یان یانا قادین

سئوگیسی اوغروندا اؤلن

سئودا گؤلونده  سونا قادین .

یازدا قیشدا عطیر ساچان چیچکلی دال

لایلالارین دوداغیندا

گوندن گونه دادلانان بال

سئویلمه دن سئون قوتسال

یاشامین معناسی قادین

یارینلارین آناسی قادین

سئوگینین دادی قادین

گؤزه للیگین  آدی قادین

                                                             اسماعیل جمیلی                                    

آنا دیلی

بیز واریق وارسا وطن وارایسه دوغما دیلیمیز

اؤیره نیب بیلمه لیدیر     اؤز دیلینی  ائللریمیز

آنا تک جاندان عزیزدیر  آنا تورپاق    آنا دیل

حورمتین ساخلا یاشارکن   آنالار قدرینی  بیل

وطنین کیملیگیدیر    وارلیغینین     داش تملی

کیملیگین بایراغیدیر  هر بالانین   دوغما دیلی

آنا دیلدیر بزه ین    دویغولارین      اویلاغینی

سوسله ین آرزیلاری سئوگی سئوینجین باغینی

بولبول اؤز دوغما دیلیله گوله سویلر  سؤزونو

هر گول اؤز رایحه سیله  تانیدار   اؤز اؤزونو

آنا دیلدیر داشییان  لایلالارین       جان دادینی

آنا دیلدیر یاشادان   ائولادینین         اؤز آدینی

آنا دیلدیر  ائلینین  تاریخی          آیدین تانیغی

یوردونون اؤلکه سینین آیناسی سؤنمز چراغی

آنا دیلده آنانین  سئوگیسی   عطری   دادی وار

آنا دیلده    وطنین   شانلی  شرفلی    آدی  وار

                                                                                   اسماعیل جمیلی