شوتلاندييا ميلتچيلري نين بؤيوک سئچکي قلبه سي 

  بيرلشميش کرالليغين بير حيصه سي اولان شوتلاندييادا سئپاراتچي شوتلاند ميلتچي پارتيياسي اؤز تاريخينده ايلک دفعه  اولاراق سئچکيلرده قاليب گله رک شوتلاندييا پارلامئنتي نين ان بؤيوک فراکسيياسي اولوب.  

  شمپ بورادا کئچيريلن سئچکيلرده پارلامئنتين 47 مانداتينا صاحيب اولوب.  

  بريتانييانين حاکيم لئيبوريستلر پارتيياسي بوندان 1 ماندات آز آليب. لاکين بو کيفايت ائديب کي، لئيبوريستلر سون اللي ايلده شوتلاندييا سيياستينه تام نزارتي ايلک دفعه  اولاراق ايتيريبلر. 

  بئله ليکله، هفته لردير داعوام ائدن سئچکي کامپانيياسي نين سونوندا توني بلئيئرين حاکيم پارتيياسي شوتلانس ميلتچيلرينه مغلوب اولوب. 

  بو ايسه او دئمکدير کي، ايندي شمپ باشقا بير پارتييا ايله بيرليکده کواليسيا هؤکومتي تشکيل ائده بيلر.  

  شوتلاند هؤکومتي اينديليک تحصيل، نقليات و سهيييه کيمي ساهه لرده موستقيللييه ماليکدير. 

  ائکسپئرتلر بيلديريلر کي، بو، بريتانييا سيياستي نين شوتلاند اصيللي اويونچولاري، ايلک نؤوبه ده گله جک باش نازير ساييلان قوردون براون اوچون جيدي پروبلئملر يارادا بيلر.  

  بونونلا بئله، شوتلاندييا ميلتچيلري نين درهال موستقيلليک رئفئرئندومو چاغيرماق نيتلري يوخدور.  

  بئله گومان ائديلير کي، اونلارا سس وئرنلرين بؤيوک بير قيسمي، موستقيللييه يوخ، لئيبوريستلرين علئيه اينه سس وئريب.  

  اؤلکهنين باشقا يئرلرينده بريتانييانين حاکيم لئيبوريست پارتيياسي يئرلي و رئگيونال سئچکيلرده آشاغي نتيجه گؤسترسه ده، بو، ائکسپئرتلرين گؤزله ديگيندن پيس نتيجه دئييل.  

  اينگيلتره ده، خوصوصن ده اؤلکهنين جنوب حيصه سينده موخاليف موحافيظ اکارلار پارتيياسي اوغورلار قازانيب. 

  بونا باخماياراق، تام اوغور اوچون اونلار اؤلکهنين شيمال حيصه سينده ده ايره ليلگيشه نايل اولماليديرلار.  

    Qaynaq: BBC    4 may 2007