تبریزده بو ایل بوتون تورکو دیل اؤیردن کیلاسلار قاپلانیبدیر

                      
حرکت ین کؤک قولو اولان اؤیرنجی لرین ال ایله کئچمیش بئش ایل ایچینده تبریز یونیوئرسیته لرینده قورولان بوتون تورکو دیل کیلاسلاری بو ایل قاپالانیبدیر.تبریزین آزاداسلامی ،میللی ،فنی آموزشکده یونیوئرسیته لرینده قورولان بو کیلاسلار بو ایل علت سیز قاپلانیبدیر.ائشیتمه لی بوکی بو وضعییته هئچ کیم اعتراض ائتمه ییبدیر وه بو گونه قدر بو مسئله هم دؤولت وهم ده میللی فعال لار طرفیندن تام بایکوتدا قالیب دیر.
آرتیرمالییق آذربایجاندا بو کیلاسلار میللی پارتییا کیمی چالیشیردیلار وه حرکت ین چوخلو گوونن پراتیک ،تئوری ایش لری اورادان باش آلیب هدایت اولونوردو.مین تاسف کی کیلاسلارین فعالییت لرین ،امک لرین اؤزلینه مصادیره ائدن خاریجده وه داخیلده میللی فعال آدیلا چالیشان کیمسه لرین ذره جه نه او کیلاسلارین قورولوشوندا یاردیم ائتدیلر وه نه باغلانماسیندا مقاومت،بلکه اونلارین بوش بوغازلیغی دؤولتی مانع لر یارادیب وه مفته جه سینه گؤرونن ایشلری اؤز آدلارینا مصادیره ائدیب سو استفاده ائتمه لری صادیق چالیشانلارین ال قول لارین سیندیردیلر.
کاش بیر کیمسه اولایدی داخیلده وه خاریجده های کول سالیب میللی لیدئر وه میللی فعال کیمی اؤزلرین تبلیغ ائدن کیمسه لردن سوروشا ،میللی حرکتین گوونج قولو اولان یونیوئرسیته لرده آچیلان دیل ،تاریخ،سیاست درنکلرینده ،اوردا بوراخیلان درگی لرده،قورولان گنگرلرده،تؤرنلرده هانسی مادی ،معنوی یاردیم لاری ائتمسینیز؟
آیا قبول ائدیرسنیز سیزلرده اولان ضعیف انسانی صیفت لر او جمله دن شهرت چی لیق،اخلاق سیزلیق،ساوادسیزلیق کئچمیشده وه حتی ایندی ده میللت سئومیین فیکیر وه ایدولوژیلره باغلی اولدوغونوزحرکت دن شخصی منفعت طلب ائتمیینیز حرکته وه اونون صادیق چالیشانلارینا اؤزللیک له اؤیرنجی طبقه سینه نه ضربلر ووروبدور؟

ساوچی: م.قاراداغلی

AZSAV.com