بسمه تعالي
آذرین ایگیرمی بیری، ميلي تويوموز!
آذرین ایگیرمی بیری، ميلي ياسيميز!
آذر آينين 21، آذربايجان اولوسونون داياناتلي گئديشاتيندا ايکي يونلو بير تاريخاتدير.
بو سئحيرلي گونون هر گليب گئتمه سي ،آذربايجان ميلتينين اولو ياشاييشيندا بيرطرفده ن زنگين وانگين ميلي نائيلييتلري وآيري طرفده ن ان قانلي و کدرلي سوي قيريملاري خاطيرلايير.
1324 اينجي گونش ايلينده آذر آينين 21نده،ميلتيميزين اوزگوروگوجلودالغالاري پان آريائيستلرين کيفيرآياقلارين آذربايجان توپراقلاريندان يولدو و بوتون ايرانين يازيقليقدا ساخلانيلميش ميلتلرينه قورتولوش قاپلاريني آچدي.بير ميلي موختار دولت ميلتين چيگينلري اوسته قالديريلدي و عجبا اوز قيسا حاياتيندا آذربايجان مملکتين آرياچيلارين ياراتديغي جهنمده ن چيخارديب اوغورلو بير ياشاييشا يونلتدي.
آزادليق فيرقه سي« شهيد سيد جعفر پيشه وري» جنابلارينين بويروقوآلتيندا،آذربايجانين قوجامان تورک اولوسون قانيق فئوداللار، گئريچيلر و پهلويچيلرين قييناقلاريندان نجات وئريب هابئله بوتون ايران ميلتلرينه قورتولوش اوچون ديره نيش بايراقلارين قالديردي.
آنجاق کمونیست موسکووادا ايستالين،کولونییالیست لوندوندا چئرچيل وکاپیتالیست واشينگتوندا ترومن کيمينلر،شوونیست تئهراندا پهلوي کيمين جلاد موزدورلار ايله بير ليکده تبريز- تئهران (دونيا سويه سينده تاييد اولونموش) 15 ماده لي آنلاشماسينا(23/3/1325) خيانت ائده ره ک آذربايجان آزادليق سئور میلتين اوز چيرکين منفعتلري يولوندا قوربانليق وئرديلر.
1325 اينجي گونش ايلينده آذرآينين21نده پان آريائيستلرين قوشونو قودوز قوزغونلار کيمين آذربايجان توپراقلارينا و کورديستان اراضيسينه وحشيجه سينه هوجوم چکديلر.
مظلوم زنگاندان باشلانميش دهشتلي و وحشتلي بير سوي قيريم، آذربايجانين شهرلرين ،کندلرين و حتي کندجيکلرين قومارالادي.
اون مينلر نفرآيدين، چاليشقان و وطن سئور بي و بايان ، قيزيل قانلاري ايچره بويانديلار.هابئله يوزمينلر نفر قارا ايشکنجه لره معروض قالديلار،آغير حبسلره دوزدولر و اوزاق سورگونلره گئتديلر.
او گون آذربايجان اولوسونون معنوي و مادي ثروتلري ياغمالاندي و بوتون ايران اولکه سينده ياييلميش آذربايجانلي لارين بوغازي پان آريائيستلرين پيچاقي آلتينا کئچدي.
آنجاق بو قودوز قوزغونلار، سون دره جه لي بير وحشييت ايله، آذربايجان ناموسلارينا ، شرافتسيزليگ ايله توخانديلار.
آرياچيلرين قانيق اوردوسو ائولرين کيشيلرين و اوغوللارين اولدوره ره ک چوخلو حورمتلي قادينين عيرضينه ساتاشديلار.اونلار ان حيواني بير شکيلده آذربايجان قيزلارين،قادينلارين و بايانلارين وحشتلي جينسل ايشکنجه لره معروض قويدولار.
بو جاهيليت اوردوسو آريا چي فاشيسمينين رهبرلري دستورونون واسيطه سيله يوزمينلرجيلد آذربايجان تورکجه سينده يازيلميش معصوم کيتابلاري تبريزده، اردبيلده ، زنجاندا،اورمودا،ماراغادا،مرندده،خويدا ،قوشاچايدا ،ماکيدا و هابئله آیری شهرلرده اوز نفرت و کينه اودلاريندا يانديرديلاریوخ بلکه شهادته چاتدیردیلار!
21 آذرين دهشتلي و وحشتلي فيزيکي جنوسايديندان سونرا، پان آريائيستلر شيدتلي بير کولتوره ل جنوسايدي باشلاديلار.
شوونيستلر آرديجيل چاليشديلار تا ان قوخوموش سياستلرواسيطه سيله «آذربايجان و تورک » سوزلرين، آذربايجان تورکلرينين ازلي و ابدي يورد و سوي آدلاري اولدوقونا باخماياراق آذرآبادگان ،آران و آذري کيمين قوندارما سوزلر ايله ده گيشسينلر.
آنجاق شوونيستلرين بو گولدوروجو تحريفاتدا اودوزوشلاري،اونلاري داها آرتيق تحقيرات سياستينين ايجراسينا طرف حرکت وئردي.
اوتن 80 ايلده« يامان» ، «يالان» و«قان» پان آريائيستلرين اوچ کيرلي سياستي کيمين ايران ميلتلرينين فارسلاشماسي اوچون فايدالاندي.
ايندي ايسه« آموزش و پرورش» و« آموزش عالي» ويزارتخانالاري بوتون ایجتیماعی،ادبي و تاريخي درس کيتابلاريندا،« صدا وسيما» دورلو وئرليشلرينده و«فرهنگ و ارشاد اسلامي» ويزارتخاناسينين وئرديگي موجويزلرينده شوونيستلرين يالان و يامان سياستلري چوخ آيدينجاسينا سورولور.
ميثال اوچون مدرسه لرده و دانيشگاهلاردا تاريخ و ادبيات درسلرينده تورک ، تورکمن و عرب دوشمان وآلچاق سانيلير،صدا وسيمانين اوزدن ايراق طنز و تاريخي آدلانان سريالاريندا آذربايجان ديلي و تاريخي تحقير و تحريف اولونور و وزارت ارشادين وئرديگي موجويزلرينين نتیجه سینده ماهي صفت کيمين شخصلربوتون ايران ميلتلرينه واوزه ل ليگ ايله آ ذربايجانليلارا ايهانت ائديرو عجبا رسمی مقاملارین الینده ن «نشان ملی لبخند طلایی» میدالینادا نائیل اولونور!!!
بيز بو مکتوبا قول چکنلر، بوتون ايران آيدينلاريندان و هابئله دونيا اولوسلاريندان ايسته ييريک 1325 اينجي گونش ايلينده آذر آينين 21نده آرياچيلارين الي ايله آذربايجاندا و کورديستاندا باش وئرميش ان دهشتلی سوي قيريمي وهابئله او گونده ن بری ايجرايه قويولان کولتوره ل قيريمي محکوم ائتسينلر.
اگرسه 1324 اينجي گونش ايلينده آذر آينين 21 نده بير ايشيلتيلي گونش آذربايجان ميلتينين دوشونجه سينده ن و دويغوسوندان شرق دونياسينا پاريلدادي،
و اگرسه بيرايلده ن سونرا بو پارلاق گونش ماوي گوک دوشونده، اوز ذيروه سينده ن قانلي بير اوفوقه طرف آخدي،
آنجاق سونمه ييب و سونمه يه جکدير.
دوغرودور!
بيزيم ميلي وارليغيميزين گونشي ازلي اولاراق ابدي ياشاياجاقدير.
بيرده بابک قالالاريندان گوک سينه سينه چيخاراق ايشيقلار ساچاجاقدير،
وبوتون گونشي گوزله يه ن گوزلري قاماشديراجاقدير.
نییه کی؛
جاء الحق ذهق الباطل ان باطل کان ذهوقا
مهندس کمال عباسپور،دکتر اسماعیل اسماعیل،مهندس علی فرزانه،فاطمه اکبری،مهندس سعید نعیمی،حمیده شفائی،مهدی نعیمی،مریم شریفی،بابک بهاری ،دلور شیردل،مژگان دورنما،فرزاد صمدلی،اکبر آزاد،فریبا فاتح،مهندس علی محمدی،دولتیاری(آذر اوغلو)،کاظم سعادت،اکرم اسد اللهی،منوچهر امینی، پروفسور ناصر منظوری،سعید موغانلی،سعید نجاری،آتیلا کیشی زاده،حسن قنبری،مهندس حیدر شادی،صدیقه حسینی ، ساوالان میرزائی،دکتر خان اوغلان قره داغی، سهند فردی،حسین علیزاده،ایلغار مرندلی،آیدین فخیمی،ماهنی زنگانلی،هاجر سلطانی،محمود عربی زاده(آلتای)،محسن حافظی فر،وحید درگاهی،رضا ولی زاده،محمد جواد پور قره ضیاءالدینی،حسن روحی،اکبر قربانی،مهندس مرتضی منصوریان،مهندس حسن رحیمی بیات،مهندس امیر فضلی،رضا حسنی،لطف الله بابائی ،زینب میر شمس،دکتر حسن جعفرزاده، دکتر شهرام رهنمون،عادل ایرانی،مهندس حمید شافعی،مهندس رسول نادری،مهندس مجتبی اعجمی،مهندس کهریز میران،مهندس عبدالله عزیزی نیاری،وحید فرجی وفا،حمید تبریزی،مهدی سیاری،فرزاد راهپیمایی،مهدی اسرافیلی،ربابه قلی زاده،پروانه شاهین پور،فرید احمدی،سید احد صفوی،سعیده بابا زاده،
مهندس محمود بجانی،مریم رستمی،حسن مخلص،فاطمه غفاری،حسین ابراهیم زاده،کبیر فتاحی،آیلین زنگانلی،یونس صیادی،سعید یار محمدی،احسان احمدی،فرید پناهی آذر،زهرا داغدار ،رحیم افشانیِ،سعید زمهریرلو،فرید عباسی،فاطمه تیموری ،حجت صادق نیا،مهندس رامتین صادقی(آیهان)،امیر شیخی،سیاووش اکبرزاده،زهرا محمدی ،سمیه تن آرا،سعیده سردار،مهندس مهدی علامی،یاشار رضا کرمی،نورالدین دینی،اسلام آغا پور،سیاووش پناهی،سمیه فتحی،مهندس ناصر شاهدی،مهندس مهدی هاشمی،جابر جعفرنژاد،صولت اسلامی،عبدالله جولانی،ناصر امامی،ناصر نوری،لیلا رضایی،پیمان خوشه چین،فیروز جعفری،مهندس فیروز مددی،رقیه خوشه چین،جهانگیر موسی نژاد،اسماعیل قهرمانی ،اسلام احد زاده،علی قلیزاده،سید اکبر کشفیان،عوض جمشیدی ،عیوض بیات،یونس آفتابی،مهندس صالح رافعی،اسلام بابازاده ،مهندس محسن امام قلی زاده،حسین آقایی،مسیح الله نوری،مهندس بابک آقا محمدی،آی سودا اورمولو،مهدی آقایی،سید علی رحیمی،مهدی صادقی،عوض بخشایش،قاسم بنا کوهی،حسین میرزاده،علیرضا افتخاری ،سعید حسنی، محسن داداشی،زهرا محمدی،معصومه شکاری،حسین رضا زاده،مهدی مهدی پور،حسین خان محمدی،مهندس غلامرضا همدانی،مهندس ایوب اثنی عشر،مهندس توفیق اردبیلی