|
|
|
|
آذربایجان اقتصادینه بیر باخیش
بو گونلرده ایران دولت باشچییلری، آذربایجانین مجلیسده اولان نماینده لری، وزیرلر قورولو، جمهور باشقانی باشچیلیقینده تبریز ده توپلانیب، آذربایجاندا گیدن اقتصادی و سیاسی پروسسی گوزدن گچیرجاق و ینی تدبیرلر آلیناجاق دیر. آذربایجان اقتصادی دماق الارکی چوخ آغیر و چتین گونلرین گچیدیر. اونا گوره ده ، هر گچن گون بیراز داها گری قالیب ئولکه سیرالاماسیندا چوخ گریلره انیبدیر. بو وضیعت سون گون و آیلاردا اوزینی دگیشیک بیچیملرده گوستریبدیر. بو یوزدن دولت آداملارینین تبریز ده توپلانماسی ، آذربایجان خلقینین اوز اراده سیله بیرلشمه سه و یا آذربایجان خلقینین حقلی ایستکلرینه قولاغ ورمه سه بیر سونوچ ورمیاجاق و مسئللر داهادا درینلشجاقدیر
آذربایجان تاریخینین چوخ چتین گونلرین یاشیر . بیر طرفدن وکونومیسی، کولتور یاپیسی داغیلماقتا دیگر طرفتن سیاسی فعالیتلر تاپتالانیپ، کولتور اجاقلاری باغلانیبف روزنامه لر و درجیلرین یازارلاری و آیدین لر گوز آلتینه آلینیب و یا زندانا آتیلیبلار. بو خشونت هاواسی اسن اورتامدا ، تهران دان گلن هیئت تبریزده و آذربایجانین باشقا شهیرلرینده ، اوز یانداشلاری ایله گوروش آپاراجاق ، گل دییپ ، گل اشیدجاقلار. آذربایجانین اساس مسئللری گنه گوز آردی قالاجاق و یا دیله گتیریلیب، بیر نچه گونن سورا یادان چیخاجاق ،سان کی هیچ بیر شی اولمامیش کیمی قالدیغی یردن دوام ادجاقدیر.
آذربایجانین مسئله سی 1324 ده نه ایسه بو گون ده ادور، پروبلملر و ایستکلر فرقه نین مشهور 12 شهریور بیان نامه سینده هم فارس دیلینده، هم ده تورک دیلینده یازیلمیشدیر. بو ایستکلر دگیشممیش، او گون آذربایجان اوز اداره سینی ایستیردی بو گون ده ایسیر . او گون اوینانان اویونلارلا آلدلتیلیب یورولموشسا ، بو گون ده گیدرک یورولماختادیر. آدربایجانلی آرتیخ بیلیر کی دالی قالمیشلیق، یوخسولوق، باشی چیینینده ایش تاپماق اوچون باشقا یرلری اسیر کیمی دولاشماق، آیریمجیلیق(تبعیض) ، پیس و چرکین سوزلر اشتماق، سویوش کیمی باخیشلار گورمک اونون قدری دگیر. اونون اچون دونن پربلم نه ایسه بو گون ده اودور.
آذربایجان یوخسولوق، فقیرلیق، ایشسیزلیق هله بوگونلرده توپلومسال( اجتماعی) سورونلارلا قارشی قارشیادیر. بونون یگانه چیخیش یولی دگیشمه دیر. یاپیسال( ساختار) دگیشمه، اداری رفورم و خلقین اراده سینه دایاق سیاسی اشتراک دیر.آذربایجان مینلرجه ایپله ، ایرانین باشقا میلتلریله باغلانمیشدیر. بونا هیچ کسین اعتراضی یوخدور. فقط آدربایجانین اوز خصوصییتلری وار دیر که اونلاری یوخ اتماغا چالیشیلر. بو اوزدن آذربایجان میلتینه هویت پربلمی یارتماغ ایستیلر. بو استقامت ده ، بیریکن سرمایه، تکنیک ایش ، علمی فعالیتلر ، تهرانا و یا دیگر یرلره قاچماختادیر. هر زمان هرکسین دیلینده اولان بیر سوز وار . آذربایجان لیلار بوتون ایرانی آلیبلار ! تهران بازاری، اقتصادی فعالیتلر، اوردو منسوبلاری و یونیورسیته(دانشگاه) استادلاری و دیگر آلانلار تورک لرله دولوبدور. بو سوزلر دوغرودور. بوتون ایشلر ، اشاقیدان یوخاریه آذربایجان ایشچیسی و امکچیسیله اداره الونور. فقط بو وضعیت آذربایجان میلتینی چوخ دا راضی سالمیر . چونچو آدربایجان دان گوچن سرمایه و کالیتلی ایش گیدرک آدربایجانی یوخسولاشدیریر. و آذربایجانی دیگر یرلره باغلی قیلیر.
آذربایجان دا بویوک حادثه لر جریان الیر. بیر چوخ حقسیزلیقلار یاشانیر. بولارین هامیسینی بوردا یازماغ ممکن دگیلدیر . یالقیز بونا اکتفا اولونورچی آذربایجان آغیر اقتصادی، اجتماعی(توپلومسال) کولتور و سیاسی بحران لا قارشی قارشیادیر. بو وضیعت دقته آلینماسا بحران گیدرک آرتاجاق و کنترل ادیلمسی زورلاشاجاقدیر. آدربایجان دا ، ناگوار حادثه لرین قاباغینین آلینماسی اوچون اقتصادی ایستکلرین اهمیتی چوخدور. بونون یانیندا سیاسی پلاتفورمون گنیشلمسی و دموکراسی نین یاییلماسی گرکلیدیر. اقتصادی فعالیت لرده بعضی آلان لاراونجه لیک داشیر.
بیرینجیسی بیلگی و خبر آخیشی ساغلامالی و بو استقامت ده اعتراض اسناسینده توتوخلانانلار ، گوزتیم آلتینا آلینانلار آزاد اولونمالی و آدربایجان دا باریش هواسی اسملیدیر.بو وضعیت نتیجه سینده ، چالیشما اورتامی حاضیرلانیر بولگه و ئولکه گلیشمه سی حیز قازانیر. آذربایجان دا ایش آلانلاری خصوصیله توریسمه مناسب یرلر اورتایا چیخاریلمالی، اورمی دنیزی(گلی) سراب ایسی سولاری، تاریخی یرلر ، قارا کلیسا، کلیبر، بابک قلعه سی و دیگر یرلر خصوصی سرمایه باشچیلیغینده گلیشملی، هتل،خسته خانا و تداوی مرکزلری قورولمالیدیر. سایدیغیمیز یرلر تداوی توریسمی اوچون ال وریشلی یرلی و خاریجی توریسلردن بویوک ایلگی گورجک یای و قیش آدربایجانین قارلی داغلاری و ایسی سولاری و ییلاقلاری بو ایشلره چوخ مناسبدیر.
تبریز شهری صنایع بولگسی( منطقه) سچیلملی و بو استقامت ده یاتیریملار و دیگر تأسیس لر قورولمالی زیرا تبریزون ازونده و اطرافینده چوخ ساییدا یر آلتی و یر اوستی معدن لر وار و بو امکان لارین ایشلتیلمه سی اوچون سرمایه ایستیر. یورد ایچینده و دیشینده یاشیان آدربایجانلیلرده چوخ مقداردا سرمایه بیریکیمی واردیر. امکان حاضیرلاندیغی تقدیرده آذربایجان دا دگیشیک آلانلاردا فعالیت گوسترملری آیدین دیر. بوتون دنیادا سپلنمیش چوخ ساییدا آکادمیک، سرمایه و تکنیک بیلگیه صاحب آذربایجان لیلار یاشییر. بولارا هویت قازاندیریب آذربایجانا یونلندیرمک ممکوندور. بو خصوص دا پلانلی چالیشما آیدین لار و سیاسی قورولوشلارا دوشر.
آدربایجانین بویوک شانسی سینیر( مرز) اوته سینده یاشیان سویداشلاری و دیل بیرلیغی دیر. بو دوقرولتودا سینیر بازارلاری( بازار های مرزی) قورولابیلیر. بو بازارلاردا هیچ بیر چتینلیک گورولمز. بو فعالیت لر دیل بیرلیگی ، کولتور یاخینلیغی، دوسلوق و قارداشلیغی گلیشدیریر و اقتصادی گلیشمه یه یاردیم ادر. یوخاریدا آذربایجان جمهوریتی، نخجوان خود مختاریتی و باتی ده( غرب) ترکیه جمهوریتی وطن داشلاری و یاتیریمجیلاری( سرمایه گذاران) آنلاشمالی اولاراخ آذربایجانا و آدربایجان لیلاردا او ئولکه لره گلیش گدیش ایله سلر اقتصاد جانلانیر ، آلیش وریش امکانلاری آرتار، قورولان بازارلاردا اصتیحصال اولان مالار و ینیلیکلر گوستریلیر.
ایران دا دولتین اقتصادا مداخله سی چوخ اسکیه دایانیر. بو وضیعت گونوموزده یون دگیشتیرمیش اوردو( سپاه)اقتصادی فعالیت لرده گنیش یر آلمیش، بو وضیعت اوزون مدت ده سیاسی و امنیتی مسئله لر یاراداجاق و ماکرو لقتصادی بعضی یونلره چکجکدیر. آیریجا اقتصادین دینامیزمی کورالاجق زیرا دولت اقتصادی فعالیت ده سیاسی ترجیح لری گوزه آلار و بو دوروم اوزون مدت ده ئولکه اقتصادینه مهلک ضربه لر وورار. بونا گوره دولت و دولته باغلی ارگان لار هله اوردو( آرتش) اقتصادی فعالیت لردن ال چکملی و اقتصادی فعالیتلری خصوصی سکتوره ورملیدیر. آذربایجانین تجارت اطاقی(اطاق بازرگانی)، اقتصادی و اجتماعی کارشناسلاری و صنایع مهندیسلری بو ایشلرون استه سیندن گله بیلیرلر. اونون ایچون دولتین اقتصادا مداخله سی وریملیلیغی( باز دهی) دوشورور، بوروکراسی و دولت مصرفلرینی قاباردیر.
آخیر سوز دماک اولار کی، آذربایجان هم اقتصادی هم ده سیاسی جهتدن بویوک بحران ایچینده دیر. بو بحران گیدرک گنیشلیر، بونا گوره آذربایجان قیسا مدت ده بویوک سورونلارلا قارشی قارشیا قالاجاق. آذربایجان جوانلاری ایشسیزدیر، آچ دیر، بحران ایچنده سیاسی و اجتماعی مسئله لری واردیر. اگر تزلیکله بیر چاره تاپیلماسا باشقا مسئله لر ده اورتیا چیخاجاقدیر. جوانلار پروبلملرینی دیله گتیرماق اوچون آزاد تریبون ایستییر. توتماق، ورماق، زندان، بهتان، افترا و اصیلسیز بیانات ورماق، مسئله نی داها دا چتینلشتیریر. راحت و خطرسیز یول آذربایجان میلتینین یولونو آچماق و اولارین ایستکلرینه قولاغ آسماکتیر. آدربایجان میلتی اوز اوزونو اداره اتماک اوچون بوتون فاکتورلارا صاحیبدیر. بونون یانیندا آذربایجان میلتی ایران دا یاشیان باشقا میلتلرله دوسلوق و قارذاشلیق ایچینده بیر آرادا یاشاماق ایستیر، بو استقامت ده بوتون خلقلارین حق و حقوقونا سایغیلیدیر، اونا گوره ده اوز حق وحقوقونا سایغی و حرمت ایستیر. سوئد، دوقتور محمد حسین یحیایی |
||
|
|
|
Materiallardan istifadə zamanı qaynağa istinad
vacibdir |